Her­­dís D. Fjeld­­sted, sem sagði sig úr stjórn VÍS fyr­ir skemmstu, seg­ir í ít­­ar­­legu við­tali í Við­skipta­Mogga í dag að ástæðu af­sagn­­ar­inn­ar megi rekja til „ólíkr­ar sýn­ar henn­ar og nú­ver­andi stjórn­­­ar­­for­­manns fé­lags­ins á stjórn­­­ar­hætti skráðra og eft­ir­lits­­skyldra fyr­ir­tækja.“

Núver­andi stjórn­ar­for­maður félags­ins er Svan­hildur Nanna Vig­fús­dótt­ir, sem jafn­framt er meðal stærstu hlut­hafa félags­ins. Stærsti ein­staki hlut­hafi félags­ins er Líf­eyr­is­sjóður verzl­un­ar­manna með 9,67 pró­sent hlut. 

Her­dís segir í við­tali við Við­skipta­Mogg­ann að þessi ólíka sýn hafi leitt til skorts á trausti milli aðila. „Það kom í ljós að við höf­um mjög ólíka sýn á vinn­u­brögð og stjórn­­­ar­hætt­i. Þar vísa ég sér­­stak­­lega til þeirra vald­­marka sem ég tel að séu til staðar á vett­vangi stjórna skráðra og eft­ir­lits­­skyldra fyr­ir­tækja,“ seg­ir Her­­dís meðal ann­­ars í við­tal­in­u. 

Tíðar breyt­ingar á stjórn og stjórn­endum hafa verið áber­andi hjá VÍS und­an­farin miss­eri. Í gær var til­kynnt um það að Jakob Sig­urðs­son hefði hætt sem for­stjóri félags­ins, en hann hefur verið ráð­inn for­stjóri breska félags­ins Vict­res plc. Hann tók við for­stjóra­starf­inu af Sig­rúnu Rögnu Ólafs­dótt­ur, fyrir nokkrum mán­uðum síð­an. 

Mark­aðsvirði VÍS er nú 23,1 millj­arður króna en félagið hefur meðal ann­ars verið að kaupa eign­ar­hluti í bank­anum Kviku, en Svan­hildur Nanna er þar stór hlut­hafi einnig ásamt eig­in­manni sín­um.