Gengi bréfa í Högum hækk­aði um tæp­lega 6 pró­sent í dag í við­skiptum upp á 846 millj­ónir króna. Greini­legt er að tíð­ind­unum frá því í gær, þar sem til­kynnt var um kaup Haga á Olíu­verzlun Íslands (Olís), var vel tekið en heild­ar­kaup­verð var ríf­lega níu millj­arðar króna. Félagið var metið á rúm­lega 15 millj­arða en að frá­dregnum vaxta­ber­andi skuldum er verð­mið­inn ríf­lega níu millj­arð­ar. Eign­ar­hlutur Olís í fast­eigna­fé­lag­inu DGV fylgdi einnig með í kaup­unum og var hann met­inn á 400 millj­ón­ir. 

Greitt er fyrir hlut­inn með reiðufé og hluta­bréfum í Hög­um, þar sem við­mið­un­ar­gengið í við­skipt­unum var 47,5. Við lok dags í dag var gengi bréfa félags­ins tæp­lega 52.

Eig­endur Olís voru Sam­herji og Kaup­fé­lag Skag­fið­inga.

End­an­legt verð mun þó ráð­ast því hvernig fram­legðin verður af rekstr­inum á þessu ári, sam­kvæmt til­kynn­ingu Haga til kaup­hallar þar sem fjallað var um við­skipt­in. 

Fyrir til­kynn­ingu um við­skiptin var mark­aðsvirði Haga ríf­lega 56 millj­arðar króna, en við lokun mark­aða í dag var það 59,8 millj­arð­ar.

Olís sér­hæfir sig í sölu og þjón­ustu með elds­neyti og aðrar olíu­vör­ur, auk ýmissa nauð­synja­vara til ein­stak­linga og fyr­ir­tækja. Dreifinet félags­ins er víð­tækt og starf­rækir það um 115 starfs­stöðvar á um 50 stöðum á land­inu, aðal­lega undir merkjum Olís, ÓB og Rekstr­ar­lands. Heild­ar­velta Olíu­verzl­unar Íslands var um 31 millj­arður árið 2016.

Um miðjan nóv­em­ber í fyrra til­kynnti Hagar síðan um kaup á Lyfju. Fyr­ir­tækið sam­anstendur af móð­ur­fé­lag­inu Lyfju hf. ásamt dótt­ur­fé­lög­unum Heilsu ehf. og Mengi ehf. Lyfja hf. rekur sam­tals 39 apó­tek, útibú og versl­an­ir, auk lyfja­skömmt­un­ar, um land allt undir merkjum Lyfju, Apó­teks­ins og Heilsu­húss­ins.  Heild­ar­velta Lyfju hf. var 9 millj­arðar kr. á árinu 2015 en verð­matið á félag­inu var 6,7 millj­arðar í við­skipt­un­um.

Hagar er orðið mikið smá­sölu­veldi með þessum kaup­um, en fyrir rekur það meðal ann­ars versl­anir undir merkjum Bónus og Hag­kaup.

Í til­kynn­ingu Haga til kaup­hallar í gær kemur fram að fyr­ir­vara um áreið­an­leika­könnun hafi verið aflétt og verð­mið­inn lækk­aður um 50 millj­ón­ir, auk þess sem það komi til skoð­unar að selja félagið Heilsu ehf.