Sig­mundur Davíð Gunn­laugs­son, þing­maður Fram­sókn­ar­flokks­ins og fyrr­ver­andi for­maður hans, seg­ist ekki vera á leið í borg­ar­málin þótt áhrifa­menn innan flokks­ins hafi hvatt hann til þess að leiða lista flokks­ins í næstu sveit­ar­stjórn­ar­kosn­ing­um. 

„Nei ég er ekki að fara í borg­ina. Ég er auð­vitað í Norð­aust­ur­kjör­dæmi og það er margt ógert þar, en líka á lands­vísu, og miklar breyt­ingar framund­an. Mjög miklar breyt­ingar framundan í íslenskri póli­tík almennt og mjög stór tæki­færi sem er gríð­ar­lega mik­il­vægt að menn nýti og geri það rétt,“ sagði Sig­mundur Davíð í við­tali í Bít­inu á Bylgj­unni í morg­un. 

Hann sagði að það væri ekki skrítið að menn væru farnir að velta fyrir sér borg­ar­mál­un­um, því þar sé sann­ar­lega af ýmsu að taka og ekki veiti af því að gera heil­miklar breyt­ing­ar. „Það blasir auð­vitað við fólki að skipu­lag allra hluta, hvort sem það eru skipu­lags­málin eða hvernig borgin er rekin í sam­göngu­mál­um, í við­haldi gatna og ann­arra mann­virkja, sorp­hirða, það er svona allt sem að almenn­ingur líti á sem helstu hlut­verk borg­ar­yf­ir­valda, hefur verið í hálf­gerðum ólestri,“ sagði Sig­mundur Dav­íð. 

Stjórn­ar­and­staðan í borg­inni hafi verið mild við meiri­hlut­ann, nema Fram­sókn og flug­vall­ar­vin­ir. Sig­mundur seg­ist ekki heyra annað en að mjög mik­ill vilji sé til að sjá veru­legar breyt­ingar í borg­inni á næsta kjör­tíma­bil­i. 

Það sé rétt að ýmsir sem láti sig borg­ar­málin miklu varða, ekki síst innan Fram­sókn­ar­flokks­ins, hafi viðrað hug­myndir um að hann fari í borg­ar­mál­in. „Auð­vitað þykir manni vænt um það að þeir sem vilja fá mann í borg­ar­málin tali um það við mann.En svo eru kannski hinir líka sem vilja losna við mann úr lands­mál­unum og manni þykir ekki alveg jafn vænt um það. Aðal­at­riðið er nú þetta að það eru líka gríð­ar­lega stór mál fram undan í lands­mál­unum sem ég hef mik­inn áhuga á að taka þátt í og miklar skoð­anir á hvernig þurfi að gera svo­leiðis að ég ætla að halda mig við þann vett­vang.“

Hann var einnig spurður að því hvort ekki væri gróið um heilt innan Fram­sókn­ar­flokks­ins eftir mikil átök þar síð­ustu miss­eri. „Nei, nei. Ég væri ekki heið­ar­legur ef ég reyndi að halda því fram,“ sagði Sig­mundur Dav­íð. Hann ætl­aði sér hins vegar að ræða stöð­una innan flokks­ins á þeim vett­vangi fyrst.