„Stjórn­ar­skráin gerir ekki ráð fyrir að for­seti neiti að und­ir­rita ­stjórn­ar­at­höfn. Ef hann neitar að und­ir­rita stjórn­ar­at­höfn að til­lög­u ráð­herra þá getur hún ekki tek­ið ­gild­i,“ segir Björg Thoraren­sen, pró­fessor við laga­deild Háskóla Íslands, í við­tali við Frétta­blaðið í dag. 

Ríf­lega 4.200 manns hafa und­ir­rit­að á­skorun til for­seta Íslands og hvatt hann til að synja sam­þykkt Alþing­is um skipan 15 dóm­ara í Lands­rétt. 

Mik­ill hiti var í þing­heimi, en til­laga Sig­ríðar Á. And­er­sen dóms­mála­ráð­herra var að lokum sam­þykkt, 31 atkvæði gegn 22, en Fram­sókn­ar­menn sátu hjá við atkvæða­greiðsl­una. Frá­vís­un­ar­til­laga hafði áður verið felld, 31 gegn 30, en tveir þing­menn, Svan­dís Svav­ars­dóttir og Brynjar Níels­son, tóku ekki þátt í atkvæða­greiðsl­unni vegna tengsla við umsækj­endur um starf dóm­ara.

 „Það er grund­vall­ar­munur á hvort ­for­seti neitar að und­ir­rita lög eða ­neitar að und­ir­rita skipun emb­ætt­is­manna því stjórn­ar­skráin gerir ráð ­fyrir að for­seti geti neitað að und­ir­rita lög. Ef for­seti neitar að und­ir­rita lög þá taka þau strax gildi og síð­an þarf að setja þau í þjóð­ar­at­kvæð­i svo þjóðin eigi loka­orð­ið. En þeg­ar ráð­herra leggur fyrir for­seta til­lög­ur til und­ir­rit­un­ar, eins og milli­ríkja­samn­inga eða til­lögu um þing­rof, er ­gert ráð fyrir að for­seti sam­þykki slíkt og und­ir­riti. Það er hins vegar ljóst að á­kvörðun getur ekki tekið gildi nema báðir und­ir­riti, ráð­herra og for­set­i,“ segir Björg í við­tali við Frétta­blað­ið.

Björg vísar til 19. greinar stjórn­ar­skrár: „Und­ir­skrift for­seta lýð­veld­is­ins undir lög­gjaf­ar­mál eða stjórn­ar­er­ind­i veitir þeim gildi, er ráð­herra rit­ar undir þau með hon­um.“ 

Dóm­ar­arnir 15 sem voru skip­aðir af Alþingi, voru Aðal­steinn E. Jón­as­son, Arn­fríður Ein­ars­dótt­ir, Ásmundur Helga­son, Davíð Þór Björg­vins­son, Her­vör Þor­valds­dótt­ir, Ing­veldur Ein­ars­dótt­ir, Jóhannes Sig­urðs­son, Jón Finn­björns­son, Krist­björg Steph­en­sen, Oddný Mjöll Arn­ar­dótt­ir, Ragn­heiður Braga­dótt­ir, Ragn­heiður Harð­ar­dótt­ir, Sig­urður Tómas Magn­ús­son, Vil­hjálmur H. Vil­hjálms­son og Þor­geir Ingi Njáls­son.