Segir vogunarsjóði hafa unnið síðustu þingkosningar

Sigmundur Davíð Gunnlaugsson segir vogunarsjóði í New York og London hafa viljað nýjum forsætisráðherra, nýja stjórn og nýja stefnu. Allt það hafi þeir fengið í fyrrahaust.

Sigmundur Davíð Gunnlaugsson, fyrrverandi formaður Framsóknarflokksins.
Sigmundur Davíð Gunnlaugsson, fyrrverandi formaður Framsóknarflokksins.
Auglýsing

Sig­mundur Davíð Gunn­laugs­son, þing­maður og fyrr­ver­andi for­sæt­is­ráð­herra, segir að það liggi fyrir að sig­ur­veg­arar síð­ustu alþing­is­kosn­inga hafi verið „vog­un­ar­sjóð­irnir og fjár­mála­kerf­ið“. Þetta kemur fram í aðsendri grein í Morg­un­blað­inu í dag.

Flokkur Sig­mundar beið sögu­legt afhroð í síð­ustu kosn­ingum og fylgi hans fór úr 24,4 pró­sentum í 11,5 pró­sent á milli kosn­inga. Nið­ur­staðan í fyrr­haust var sú versta í 100 ára sögu Fram­sókn­ar­flokks­ins. Kosið var að hausti, og áður en kjör­tíma­bilið klárað­ist, vegna Wintris-­máls­ins svo­kall­aða og ann­arra hneyksl­is­mála sem Panama­skjölin opin­ber­uðu. Sig­mundur Davíð sagði af sér sem for­sæt­is­ráð­herra í byrjun apríl 2016 vegna Wintris-­máls­ins og var svo vellt úr for­manns­sessi í Fram­sókn skömmu fyrir kosn­ing­arnar í fyrra. Hann stofn­aði nýverið nýtt stjórn­mála­fé­lag, Fram­fara­fé­lag­ið, og er for­maður þess. Sig­mundur Davíð hefur þó ekki viljað kalla það stjórn­mála­flokk heldur mun frekar hug­mynda­veitu.

Í grein sinni í Morg­un­blað­inu í morgun mærir Sig­mundur Davíð áætlun rík­is­stjórnar sinnar um afnám hafta. Hann segir að sem betur fer hafi „sigur Íslands“ í mál­inu að mestu verið í höfn áður en vog­un­ar­sjóðir í New York og London hafi viljað nýjan for­sæt­is­ráð­herra, nýja rík­is­stjórn og nýja stefnu. „Öllu þessu náðu þeir,“ segir Sig­mundur Davíð í grein­inni.

Auglýsing

U-beygja stjórn­valda

Að mati Sig­mundar Dav­íðs hafi einkum tvennt varð­andi hafta­losun staðið eftir þegar honum var gert að segja af sér:  að klára að leysa aflandskrónu­vand­ann og að nýta það tæki­færi sem hafta­los­unin og stöð­ug­leika­fram­lögin sköp­uðu til að ráð­ast í end­ur­skipu­lagn­ingu íslenska fjár­mála­kerf­is­ins. Hann telur stjórn­völd hafa tekið U-beygju í báðum málum og haldið illa á þeim.

Varð­andi aflandskrón­u­út­boðin segir hann í grein­inni: „Tíma­á­ætlun fram­kvæmda­hóps um hafta­losun var virt og lítið gerð­ist í mál­inu fyrr en síð­ast­liðið haust þegar haldið var útboð til að leysa aflandskrónu­vand­ann. Þar gafst eig­endum aflandskróna kostur á að skipta krón­unum í gjald­eyri og fara með hann úr landi gegn því að gefa »af­slátt« af skráðu virði krón­unn­ar. Þetta var frá upp­hafi liður í heild­ar­plan­inu sem gekk út á að allir skiptu með sér kostn­að­inum við að rétta efna­hag lands­ins af. Eng­inn átti að hagn­ast á því að taka ekki þátt. Þess vegna var útskýrt að þeir sem ekki vildu taka þátt í útboð­inu myndu sitja fastir með krón­urnar sínar um fyr­ir­sjá­an­lega fram­tíð á lágum sem engum vöxt­um. Þátt­taka í útboð­inu var lít­il. Af ástæðum sem ekki hafa verið skýrðar hættu nokkrir af stærstu krónu­eig­end­unum við að taka þátt í útboð­inu rétt fyrir lok­un. Þó var ljóst að íslensk stjórn­völd höfðu misst trú­verð­ug­leik­ann. Full­trúar vog­un­ar­sjóðanna höfðu séð með eigin augum að hægt væri að brjóta þau á bak aft­ur.

Lítið gerð­ist svo í mál­inu þar til ný rík­is­stjórn til­kynnti óvænt í mars síð­ast­liðnum að samið hefði verið við vog­un­ar­sjóði um að þeim yrði hleypt út með krón­urnar sínar á mun hag­stæð­ara gengi en stóð til boða í útboð­inu í fyrra.

Samn­ing­ur­inn náði til 90 millj­arða króna af þeim 200 sem eftir stóðu af »snjó­hengj­unn­i«. Sama dag var til­kynnt að þeir sem ekki hefðu þegar skrifað upp á til­boðið (þeir sem héldu á 110 millj­örð­um) hefðu »næstu tvær vik­urn­ar« til að ganga inn í samn­ing­inn. Ella sætu þeir eft­ir.

En nú voru vog­un­ar­sjóð­irnir búnir að sjá svo ekki varð um villst að hægt væri að brjóta, eða að minnsta kosti beygja, íslensk stjórn­völd. Nýja kosta­boðið frá Íslandi var því ekki lengur nógu gott og áhug­inn á þátt­töku lít­ill eða eng­inn.

Skemmst er frá því að segja að vik­urnar tvær sem hófust í mars eru enn að líða því stjórn­völd hafa ítrekað fram­lengt frest­inn vegna áhuga­leysis vog­un­ar­sjóð­anna. Nú stendur til að hann klárist næst­kom­andi fimmtu­dag, þann 15. júní.

Stjórn­völdum er þó vænt­an­lega alvara með dag­setn­ing­una 15. júní eða hvað? Ekki miðað við það að fjár­mála­ráðu­neytið er þegar búið að til­kynna Reuters að næsta haust sé von á frum­vörpum frá rík­is­stjórn­inni um að losa höft af aflandskrón­um.

Dettur ein­hverjum í hug að áhugi á þátt­töku í sér­stökum „krón­u­sölu-díl“ nýrrar rík­is­stjórnar sé mik­ill þegar krónan er búin að styrkj­ast jafnt og þétt og stjórn­völd hafa stöðugt gefið meira eftir og loks til­kynnt að þau hygg­ist gefa alveg eftir næsta haust?“

Sig­mundur Davíð segir að Bjarni Bene­dikts­son for­sæt­is­ráð­herra og Bene­dikt Jóhann­es­son, fjár­mála- og efna­hags­ráð­herra, hafi ekki enn feng­ist til að svara spurn­ingum um hvort samn­ingar um losun hafta á aflandskrónur hafi verið  liður í kaupum vog­un­ar­sjóð­anna á Arion banka, né hvers vegna for­kaups­réttur rík­is­ins að bank­anum var gef­inn eft­ir. „Engu hefur verið svarað um sam­skipti stjórn­valda við vog­un­ar­sjóð­ina sem þó við­ur­kenna sjálfir að þeir hafi tekið ákvarð­anir að und­an­gengnum sam­skiptum við íslensk stjórn­völd. Enda væri annað óhugs­andi.

Nið­ur­staðan er sú að stjórn­völd hafa tekið algjöra U-beygju gagn­vart hinum aðgangs­hörðu vog­un­ar­sjóðum og eru að missa tæki­færið til að laga íslenska fjár­mála­kerfið úr hönd­un­um. Óljóst er hvað vog­un­ar­sjóð­irnir ætla að gera við Arion banka. Ekk­ert liggur fyrir um hvað stjórn­völd ætla sér með Lands­bank­ann, en í milli­tíð­inni mun bank­inn ein­beita sér að því að byggja nýjar höf­uð­stöðvar á einni verð­mæt­ustu lóð lands­ins. Staða hins rík­is­bank­ans, Íslands­banka, er svo algjör ráð­gáta. Á meðan er vöxtum haldið tutt­ugu sinnum hærri en í Bret­landi á sama tíma og pundið fellur og íslenska krónan styrk­ist.

Það eina sem liggur fyrir er að sig­ur­veg­arar síð­ustu alþing­is­kosn­inga voru vog­un­ar­sjóð­irnir og fjár­mála­kerf­ið.“

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Lilja D. Alfreðsdóttir, mennta- og menningarmálaráðherra.
Úthlutar 400 milljónum til einkarekinna fjölmiðla
Mennta- og menningarmálaráðherra hefur undirritað reglugerð um stuðning við einkarekna fjölmiðla.
Kjarninn 6. júlí 2020
Icelandair flutti rúmlega 18 þúsund farþega í júní
Icelandair flutti rúmlega 18 þúsund farþega í júnímánuði, en flutti 553 þúsund farþega í sama mánuði í fyrra. Mun minni samdráttur hefur orðið í fraktflutningum hjá félaginu.
Kjarninn 6. júlí 2020
Katrín Jakobsdóttir, forsætisráðherra.
Katrín: Ég vonast til þess að við finnum lausn á þessu máli
Forsætisráðherrann hefur tjáð sig um þá ákvörðun Íslenskrar erfðagreiningar að hætta að skima fyrir COVID-19 sjúkdómnum.
Kjarninn 6. júlí 2020
Veirufræðideildin ekki í stakk búin til að taka við fyrr en í lok ágúst
Karl G. Kristinsson, yfirlæknir á sýkla- og veirufræðideild Landspítala, segist vonast til þess að Kára Stefánssyni snúist hugur varðandi aðkomu Íslenskrar erfðagreinar að landamæraskimunum. Deildin sé ekki tilbúin til að taka verkefnið að sér strax.
Kjarninn 6. júlí 2020
Kári Stefánsson
Íslensk erfðagreining mun hætta öllum samskiptum við sóttvarnalækni og landlækni
„Okkar skoðun er sú að öll framkoma þín og heilbrigðismálaráðherra gagnvart ÍE í þessu máli hafi markast af virðingarleysi fyrir okkur,“ segir í opnu bréfi Kára Stefánssonar til Katrínar Jakobsdóttur.
Kjarninn 6. júlí 2020
Kjarnafæði og Norðlenska renna saman í eitt eftir tveggja ára viðræður
Norðlenska og Kjarnafæði hafa náð samkomulagi um samruna félaganna tveggja. Hátt í 400 manns vinna hjá þessum fyrirtækjum í dag. Samruninn er háður samþykki Samkeppniseftirlitsins og um 500 bænda, sem eiga Norðlenska í sameiningu.
Kjarninn 6. júlí 2020
Björn Bjarnason afhendir hér Guðlaugi Þór Þórðarsyni skýrsluna.
Norðurlöndin ættu að móta sameiginlega stefnu gagnvart auknum áhuga Kína
Björn Bjarnason fyrrverandi ráðherra hefur skilað af sér skýrslu um öryggis- og utanríkismál til utanríkisráðherra Norðurlandanna. Þar leggur hann til 14 tillögur um norrænt samstarf til framtíðar.
Kjarninn 6. júlí 2020
Drífa Snædal, forseti ASÍ.
Ferðaþjónustufyrirtæki axli þegar í stað ábyrgð á brotum gegn erlendu starfsfólki
ASÍ kallar eftir því að loforð Lífskjarasamninganna um lagalegar heimildir til refsinga vegna brota á kjarasamningum verði uppfyllt, enda sé ólíðandi að slík brot, sem séu hreinn og klár þjófnaður, viðgangist refsilaust.
Kjarninn 6. júlí 2020
Meira úr sama flokkiInnlent