Erlend greiðslu­korta­velta jókst um 7,1% á síð­ustu 12 mán­uðum í maí sam­kvæmt Rann­sókn­ar­setur versl­un­ar­innar á Bif­röst, en aukn­ingin hefur ekki verið minni milli ára frá því að Rann­sókn­ar­setrið hóf mæl­ingar árið 2012. 

Rann­sókn­ar­setur versl­un­ar­innar birti korta­veltu erlendra greiðslu­korta fyrir maí­mánuð fyrr í dag,  en hún nam 21,3 millj­örðum króna sam­an­borið við 19,9 millj­arða í maí í fyrra. Veltan hefur því auk­ist um 7,1%,  en til sam­an­burðar jókst veltan í apríl um 27,7% miðað við apríl í fyrra.

Mestur var sam­drátt­ur­inn í korta­veltu gjafa- og minja­gripa­versl­un­ar, en hann var um 18,9% milli ára. Mesta aukn­ingin var hins vegar í korta­veltu far­þega­flutn­inga, en hún jókst um 22,7% milli ára. Langstærsti lið­ur­inn innan þess flokks er far­þega­flug, en hluti erlendrar starf­semi inn­lendra flug­fé­laga er með­tal­inn í reikn­ing­un­um. 

Líklegt er að veikur vöxtur erlendrar korta­veltu megi að nokkru leyti skýr­ast af styrk­ingu íslensku krón­unn­ar, en gengi hennar hækk­aði um 23% í maí síð­ast­liðnum miðað við maí í fyrra. Mest er styrk­ing krón­unnar gagn­vart pund­inu, en breskir ferða­menn hafa þurft að taka á sig mikla verð­hækkun í kjöl­far 35% geng­is­hækk­un­ar. 

Ljóst er að neyslu­mynstur ferða­manna hefur breyst og er það að öllum lík­indum vegna sterkara geng­is. Til að mynda jókst fjöldi ferða­manna í apríl síð­ast­liðnum um 62% en korta­velta þeirra jókst aðeins um 27,7% fyrir sama tíma­bil.