Valitor hefur gengið frá kaupum á breska fyr­ir­tæk­inu Chip & PIN Solutions, einu fram­sækn­asta fyr­ir­tæki þar í landi á sviði korta­tengdra greiðslu­miðl­un­ar­lausn­a. 

Ein­ungis tveir mán­uðir eru síðan Valitor festi kaup á öðru bresku greiðslu­miðl­un­ar­fyr­ir­tæki, IPS LTD.

Þetta kemur fram í frétta­til­kynn­ingu frá Valitor vegna kaupanna, en Viðar Þor­kels­son, for­stjóri Valitor, fagnar kaup­unum og segir þau mik­il­væg fyrir kom­andi upp­bygg­ingu á þjón­ustu erlend­is. „Kaupin á Chip & PIN Solutions eru stra­tegískt mjög þýð­ing­ar­mikil fyrir Valitor. Þau sýna svart á hvítu að við erum stað­ráðin í að sækja fram af krafti á þessum lyk­il­mark­aði. Chip & PIN Solutions hafa getið sér gott orð fyrir vand­aða þjón­ustu við fjöl­mennan hóp við­skipta­vina en innan þeirra raða eru skrá­sett FTSE 500 félög. Með öfl­ugt teymi starfs­manna er okkur ekk­ert að van­bún­aði að styrkja mark­aðs­hlut­deild okkar og sam­keppn­is­hæfni enn frekar á breska mark­aðn­um. Þar skiptir líka veru­legu máli að í árs­lok 2016 veitti fjár­mála­eft­ir­litið í Bret­landi Valitor svo­kallað „E-Mo­ney licence“ þar í land­i.”

Kaupin á Chip & PIN Solutions eru sögð breikka til muna þann við­skipta­vina­hóp Valitor í Bret­landi sem fyr­ir­tækið þjónar milli­liða­laust. „Hinir 7.000 nýju við­skipta­vin­ir, sem nú bæt­ast við í gegnum Chip & PIN Solutions, munu njóta ávinn­ings af sér­hæfðum vörum fyrir kaup­menn, s.s. Mii-Promo vild­ar­kerf­is­ins sem Marka­d­is, dótt­ur­fé­lag Valitor, býður upp á,“ segir í til­kynn­ing­unni.

Í kjöl­far kaupanna munu allir við­skipta­vinir Valitor og Chip & PIN Solutions eiga kost á sam­hæfðri og straum­línu­lag­aðri greiðslu­miðl­un­ar­þjón­ustu eins og sama aðil­ans á sviði net­versl­un­ar, snjall­síma­versl­unar og versl­unar á sölu­stað.

David Maisey, stofn­andi Chip & PIN Solutions, segir fórn­fúst starf nú hafa borgað sig. „Lyk­ill­inn að árangri okkar hefur falist í áherslu á afburða þjón­ustu og full­tingi við við­skipta­vini félags­ins. Eftir mikið og fórn­fúst starf í rúman ára­tug höfum við vaxið af sjálfs­dáðum upp í að verða eitt virtasta fyr­ir­tækið á þessu sviði hér í landi. Nú er komið að spenn­andi tíma­mótum þar sem tækni­leg geta Valitor og vöru­fram­boð helst í hendur við við­skipta­sam­bönd okkar og aðgengi að mark­aðn­um. Við finnum fyrir sams konar eld­móði, sam­virkni og gæða­á­herslum hjá Valitor og hlökkum til veg­ferð­ar­innar með þeim.”

Kaup­verðið er ekki gefið upp. 

Arion banki er eig­andi 99 pró­sent hluta­fjár í Valitor, í gegnum félagið Valitor Hold­ing.