Crowberry I slhf​ sjóð­ur­inn hefur form­lega verið stofn­að­ur, og er stærð hans um fjórir millj­arðar króna. Þetta kemur fram í til­kynn­ingu en sjóð­ur­inn var form­lega stofn­aður 7. júlí.

Crowberry I slhf er sam­lags­hluta­fé­lag sem mun fjár­festa í ungum tækni- og þekk­ing­ar­fyr­ir­tækj­um. Crowberry mun kaupa hlutafé í ein­staka fyr­ir­tækjum og eiga hlut­inn í allt að 10 ár. Sjóð­ur­inn mun kaupa hluta­bréf í allt að 15 nýsköp­un­ar­fyr­ir­tækjum á næstu árum og er stærð sjóðs­ins 4 millj­arðar við fyrstu lokum að því er kemur fram í til­kynn­ingu.

Fjár­festar í Crowberry I slhf eru líf­eyr­is­sjóðir (80 pró­sent) og einka­fjár­festar (20 pró­sent). Rekstr­ar­fé­lag­ið, Crowberry Capi­tal GP ehf​, sem er stofnað af þremur fyrrum starfs­mönnum Nýsköp­un­ar­sjóðs atvinnu­lífs­ins, þeim Helgu Val­fells, Heklu Arn­ar­dóttur og Jennýju Ruth Hrafns­dótt­ur, mun sjá um rekstur Crowberry I slhf. Helga, Hekla og Jenný hafa allar víð­tæka reynslu í rekstri og fjár­fest­ingum í nýsköp­un­ar­fyr­ir­tækjum og mun sú þekk­ing nýt­ast sjóðnum vel. Starfs­menn Crowberry Capi­tal GP munu vera virkir fjár­fest­ar, taka sæti í stjórnum þeirra fyr­ir­tækja sem fjár­fest er í og vinna með þeim að sækja á alþjóða­mark­aði.

„Við höfum unnið að und­ir­bún­ingi þessa sjóðs frá því í des­em­ber 2016 og við erum þakk­látar því trausti sem fjár­festar í Crowberry I slhf sína okk­ur. Við munum leggja okkur fram við að skila fjár­festum góðum hagn­aði. Það hafa jafn­framt margir úr atvinnu­líf­inu hvatt okkur áfram og kunnum við þeim miklar þakkir,” segir Helga Val­fells í til­kynn­ingu.

Þær Helga, Hekla og Jenný Ruth segj­ast hlakka til þess að fjár­festa í íslensku hug­viti. „Við hlökkum til að skapa verð­mæti og taka þátt í upp­bygg­ingu á fyr­ir­tækjum fram­tíð­ar­innar með því að fjár­festa í íslensku hug­viti. Það er von okkar að Íslend­ingar verði ekki aðeins neyt­endur á tækni heldur að þau taki þátt í að skapa tækni fram­tíð­ar­inn­ar,” segir Jenny Ruth Hrafns­dótt­ir. „Það er gef­andi að taka þátt í því að búa til arð­bær fyr­ir­tæki sem byggja á tækni og þekk­ingu og skapa fram­tíð­ar­at­vinnu­vegi. Sam­vinna frum­kvöðla og fjár­festa er mik­il­væg til að árangur náist og þá getur líka ávinn­ing­ur­inn orðið mik­ill fyrir alla, ekki síst fyrir sam­fé­lagið allt,” segir Hekla.

● Crowberry Capi­tal er 7 til 10 ára nýsköp­un­ar­sjóð­ur 

● Sjóð­ur­inn mun kaupa hluta­bréf í allt að 15 nýsköp­un­ar­fyr­ir­tækjum á næstu árum ● Stærð sjóðs­ins er 4 millj­arðar við fyrstu lok­un 

● Líf­eyr­is­sjóðir og einka­fjár­festar eru bak­hjarlar sjóðs­ins 

● Mörg tæki­færi í gras­rót nýsköp­un­ar 

● Áhersla á tækni­fyr­ir­tæki, t.d. mat­væla­tækni, heil­brigð­is­tækni, orku­tækni, fjár­mála­tækn­i, ­tölvu­leiki og hug­búnað til fyr­ir­tækja.