Verð á fjöl­býli lækk­aði lítið eitt á milli mán­að­anna maí og júní, eða um 0,2 pró­sent. Þetta er fyrsta lækk­unin sem mælist á fjöl­býli í tvö ár. 

Hækkun mæld­ist þó á mark­aðnum þegar sér­býlið var tekið með í reikn­ing­inn um 0,2 pró­sent. Síð­ast­liðna 3 mán­uði hækk­aði vísi­talan um 4,3%, síð­ast­liðna 6 mán­uði hækk­aði hún um 11,7% og síð­ast­liðna 12 mán­uði hækk­aði hún um 21,2%, sam­kvæmt tölum Þjóð­skrár, sem er með því allra hæsta sem þekk­ist í þró­uðum ríkj­u­m. 

Þessi lækkun á fjöl­býli milli mán­aða er fyrsta lækk­unin sem mælist í tvö ár, en það mun koma í ljós á næstu mán­uð­um, hvort um ein­staka mán­að­ar­sveiflu er að ræða eða vís­bend­ingu um að verðið hafi náð hæstu hæð­um.

Hús­næð­is­aug­lýs­ingum hefur fjölgað und­an­farin miss­eri, eins og Kjarn­inn greindi frá 3. júlí síð­ast­lið­inn, en það má meðal ann­ars lesa út úr nýj­ustu hag­vísum Seðla­banka Íslands. 

Þrátt fyrir þetta er álitið að mikil vöntun sé á eignum inn á hús­næð­is­mark­að, einkum litlum og með­al­stórum, til að mæta mik­illi eft­ir­spurn á mark­aði. Talið er að jafn­vægi geti skap­ast á næstu tveimur til þremur árum, með bygg­ingu í það minnsta fjögur þús­und íbúða.