Ebba Schram, sem borg­ar­ráð Reykja­víkur sam­þykkti fyrr í dag að ráð í starf borg­ar­lög­manns, var metin hæf­asti umsækj­and­inn um starfið af ráðn­ing­ar­nefnd. Einn annar sótti um það, Ást­ráður Har­alds­son hæsta­rétt­ar­lög­mað­ur. Full­trúi Vinstri grænna í borg­ar­ráði, Líf Magneu­dótt­ir, sat hjá við afgreiðslu máls­ins. Það gerðu Marta Guð­jóns­dóttir og Kjartan Magn­ús­son, full­trúar Sjálf­stæð­is­flokks­ins einnig. Ráðn­ing Ebbu var því stað­fest með fjórum atkvæðum full­trúa Sam­fylk­ing­ar, Bjartrar fram­tíðar og Pírata, sem sitja í meiri­hluta í borg­inni með Vinstri græn­um, og atkvæði full­trúa Fram­sóknar og flug­vall­ar­vina, Svein­bjargar B. Svein­björns­dótt­ur, sem er í minni­hluta ásamt Sjálf­stæð­is­flokkn­um. Þetta kemur fram í fund­ar­gerð borg­ar­ráðs­fundar sem fram fór í dag.

Því var ákvörð­unin um að ráða Ebbu, sem er hæsta­rétt­ar­lög­maður og stað­geng­ill borg­ar­lög­manns, ekki tekin eftir meiri­hluta- og minni­hluta­línum í borg­ar­ráði.

Ebba hæf­asti umsækj­and­inn

Dagur B. Egg­erts­son borg­ar­stjóri lagði fram til­lögu um að ráða Ebbu í starf borg­ar­lög­manns. Í til­lög­unni kemur fram að starfið hafi verið aug­lýst 17. júní síð­ast­lið­inn og að tveir hafi sótt um það áður en að umsókn­ar­frestur rann út 3. júlí. Skipuð var ráðn­ing­ar­nefnd sem í sátu Dag­ur, Ragn­hildur Ísaks­dóttir starfs­manna­stjóri Reykja­vík­ur­borgar og Stefán Eiríks­son borg­ar­rit­ari.

Umsóknir voru yfir­farnar af ráðn­ing­ar­nefnd­inni og ráð­gjafa úr mannauðs­deild Ráð­huss­ins og umsækj­endur svo boð­aðir í við­tal 12. júlí þar sem þeir fengu báðir sömu spurn­ing­ar. Í til­lög­unni sem Dagur lagði fyrir borg­ar­ráð í dag til sam­þykktar seg­ir: Að teknu til­liti til mennt­unar og reynslu sem metin var af fyr­ir­liggj­andi umsókn­ar­gögn­um, í starfsvið­tölum og með öflun umsagna var Ebba Schram metin hæf­asti umsækj­and­inn í starf borg­ar­lög­manns.“

Meiri­hlut­inn ekki ein­róma

Áður en kosið var um ráðn­ingu Ebbu lagði borg­ar­ráðs­full­trúi Sjálf­stæð­is­flokks­ins fram til­lögu um að ráðn­ing­ar­ferlið yrði end­ur­skoðað og staðan aug­lýst að nýju. Það væri til­hlýði­legt í „ljósi óvand­aðrar máls­með­ferðar vegna fyr­ir­hug­aðrar ráðn­ingar borg­ar­lög­manns.“ Til­lög­unni var vísað frá með fjórum atkvæðum borg­ar­ráðs­full­trúa meiri­hlut­ans.

Í kjöl­farið lögðu borg­ar­full­trúar þriggja flokka í meiri­hlut­anum – Sam­fylk­ing­ar, Pírata og Bjartrar fram­tíðar – fram bókun vegna til­lögu Sjálf­stæð­is­manna þar sem meiri­hlut­inn taldi að í henni fælist „full­yrð­ing um að máls­með­ferð við ráðn­ingu borg­ar­lög­manns hafi verið óvönduð – og það óvönduð að lagt er til að allt ferlið verði tekið upp að nýju. Ekki er hægt að fall­ast á að mál­efna­leg sjón­ar­mið fyrir end­ur­upp­töku alls fer­ils­ins séu til stað­ar. Jafn­vel má leiða að því rök að end­ur­upp­taka á þessu stigi fer­ils­ins, þegar umsókn­ar­frestur er lið­inn og rætt hefur verið við umsækj­end­ur, myndi ganga í bága við góða stjórn­sýslu­hætt­i.“ Full­trúi Vinstri grænna skrif­aði sig ekki fyrir bók­un­inni.

Því næst var kosið um til­lögu um að borg­ar­ráð myndi ráða Ebbu Schram í starf borg­ar­lög­manns. Sú til­laga var sam­þykkt með fjórum atkvæðum full­trúa Sam­fylk­ing­ar, Pírata, Bjartrar fram­tíðar og Fram­sóknar og flug­vall­ar­vina. Borg­ar­ráðs­full­trúar Sjálf­stæð­is­flokks og Vinstri grænna sátu hjá við afgreiðslu máls­ins.

Því liggur fyrir að meiri­hlut­inn í borg­ar­stjórn var ekki ein­róma í sam­þykkt sinni á ráðn­ingu nýs borg­ar­lög­manns. Vinstri græn studdu ekki ráðn­ing­una.