Meiri­hluti nefnd­ar­manna í Stjórn­skip­un­ar- og eft­ir­lits­nefnd gekk út af fundi í morgun þegar  þeim var gefin nöfn þeirra sem skrif­uðu undir með­mæli þess efnis að Robert Dow­ney yrði veitt upp­reist æru. Enn fremur lýsti Birgitta Jóns­dóttir yfir van­trausti gegn Brynj­ari Níels­syni, for­manni nefnd­ar­inn­ar. Þetta kemur fram í frétt mbl.is.

Sam­kvæmt frétt­inni fengu nefnd­ar­menn upp­lýs­ingar um með­mæl­endur veit­ingar upp­reisnar æru fyrir Robert Dow­ney á fund­inum í dag. Birgitta Jóns­dótt­ir, þing­maður Pírata, sagð­ist ekki hafa heim­ild til að gefa þau upp, en skorar hins vegar á alla með­mæl­endur til að stíga fram og gefa út sam­eig­in­lega yfir­lýs­ingu.

Að sögn Birgittu gekk meiri­hluti nefnd­ar­manna út úr miðjum fundi þegar umrædd gögn voru birt, „vænt­an­lega af ótta við að þau gætu ekki stað­ist að brjóta ekki trún­að.“ Hún seg­ist ætla að kalla eftir áliti lög­manns Alþingis og for­sætis­nefndar hvort þau geti setið á funum þar sem rætt verður við ráðu­neytið um spurn­ingar sem vakna við lestur bréf­anna.

Að fundi loknum sagði Birgitta um Brynjar Níels­son, þing­mann Sjálf­stæð­is­flokks­ins og for­mann nefnd­ar­inn­ar:  „Ég lýsi yfir algjöru van­trausti á hann sem for­mann þess­arar nefnd­ar. Mér finnst hann hafa stýrt þessu máli í afar mik­inn skurð og raun allt í kringum fund­inn með Ólafi Ólafs­syni var mjög til vans. Hann virð­ist ekki átta sig á sinni stöðu sem for­maður nefnd­ar­inn­ar, eins og hann tjáir sig í fjöl­miðl­u­m.“