Jón Stein­dór Valdi­mars­son, vara­for­maður stjórn­skip­un­ar- og eft­ir­lits­nefndar og þing­maður Við­reisn­ar, ætlar að óska eftir því að fá öll gögn um mál Roberts Dow­ney afhent á næsta fundi nefnd­ar­inn­ar. Hann seg­ist ekki hafa getað sótt fund nefnd­ar­innar í gær, þegar allir nefnd­ar­menn stjórn­ar­flokk­anna gengu af fundi þegar gögn um þá sem veittu með­mæli fyrir því að Robert Dow­ney fengi upp­reist æru voru lögð fram. Þess í stað muni hann óska eftir því á næsta fundi nefnd­ar­innar að fá „ðgang að öllum gögnum máls­ins og kynna mér þau til hlít­ar. Þannig tel ég mig, að vel ígrund­uðu máli, best fá fast land undir fætur til frek­ari umfjöll­unar um mál­ið.“

Í stöðu­upp­færslu í dag segir Jón Stein­dór að þing­menn Við­reisnar muni ekki láta sitt eftir liggja við að taka reglur um upp­reist æru til heild­ar­end­ur­skoð­unar og færa til nútíma­horfs. „Það verk­efni ætti að geta unn­ist hratt og vel í góðri sátt á Alþingi enda málið ekki í eðli sínu þannig að flokkapóli­tík eigi að tefja fyr­ir. „Stjórn­skip­un­ar- og eft­ir­lits­nefnd þings­ins hefur haft þessi mál til skoð­unar af gefnu til­efni sem er mál Róberts Dow­n­ey. Sjálfur sit ég í þeirri nefnd en gat ekki sótt síð­asta fund. Af fréttum að dæma og þeim upp­lýs­ingum sem ég hef aflað mér fór sá fundur ekki eins og best verður á kosið og er það mið­ur. Málið má ekki detta í far­veg póli­tískra skylm­inga og deilna sem færir umræð­una frá kjarna máls. Þeir sem líða vegna brota Róberts og ann­arra af svip­uðu sauða­húsi eiga það ekki skil­ið.“

Meiri­hluti nefnd­­ar­­manna í Stjórn­­­skip­un­­ar- og eft­ir­lits­­nefnd gekk út af fundi í gær­morgun þegar þeim var gefin nöfn þeirra sem skrif­uðu undir með­­­mæli þess efnis að Robert Dow­­ney yrði veitt upp­­reist æru. Um var að ræða alla almenna nefnd­ar­menn stjórn­ar­meiri­hlut­ans. Í kjöl­farið lýsti Birgitta Jóns­dótt­ir, þing­maður Pírata, yfir van­­trausti á Brynj­ar Níels­­son, for­­mann nefnd­­ar­inn­­ar. 

Ótt­arr Proppé, for­maður Bjartrar fram­tíðar og heil­brigð­is­ráð­herra, tjáði sig líka um málið í morg­un. Í stöðu­upp­færslu a Face­book sagði hann upp­á­koman í nefnd­inni, þegar nefnd­ar­menn stjórn­ar­flokka gengu út, hefði virk­að„f­urðu­leg“. „ Hún þarfn­ast skýr­inga og ég skil ekki þau rök sem komið hafa fram . Það flækir og gerir erfitt fyrir því að ná saman um góð og bætt vinnu­brögð. Ef ekki er þörf á að kynna sér mál í nefnd má óska eftir frá­vísun eða frest­un. Við þurfum að vanda okkur þegar við fjöllum um við­kvæm mál. Mann­rétt­indi eru ekki flokkspóli­tísk í eðli sínu heldur verk­efni allra sem starfa í stjórn­mál­um. Það er margt ófull­komið og sumt getur verið erfitt í fram­kvæmd en það er engin afsökun fyrir því að ganga ekki til verks og ganga til góðs. Þá er borð­leggj­andi að leggja af þessar fár­an­legu reglur sem gefa í skyn að æra sé eitt­hvað sem sé á færi opin­bera aðila að möndla með eða reisa við.“ Björt fram­tíð á ekki full­trúa í nefnd­inni.