Ráð­gjafa­ráð Við­reisn­ar, sem skipað er 40 ein­stak­ling­um, segir í ályktun að nauð­syn­legt sé að rann­saka emb­ætt­is­færslur ráð­herra sem leiddu til stjórn­ar­slita.

Þá segir einnig í ályktun ráðs­ins að ráð­herrum flokks­ins sé „rétt og skylt að verða við til­mælum for­seta Íslands um að sitgja áfram í ráðu­neytum sín­um, enda er þar byggt á langri stjón­skipu­legri hefð á Vest­ur­lönd­um,“ að því er segir í til­kynn­ingu ráð­gjafa­ráðs­ins.

Í ráð­gjafa­ráð­inu sitja stjórn Við­reisn­ar, þing­flokk­ur, vara­þing­menn, for­menn mál­efna­nefnda, stjórnir lands­hluta­ráða og stjórn ung­liða­hreyf­ingar flokks­ins.

Í stjórn Við­reisnar eru sjö ein­stak­lingar auk Bene­dikts Jóhann­es­son­ar, for­manns, og Jónu Sól­veigar Elín­ar­dótt­ur, þing­manns og vara­for­manns. Það eru Ásdís Rafn­ar, lög­fræð­ing­ur, Dag­bjartur Gunnar Lúð­víks­son, lög­fræð­ingur og for­maður ung­liða­hreyf­ingar Við­reisn­ar, Georg Brynjars­son, hag­fræð­ing­ur, Jór­unn Frí­manns­dótt­ir, hjúkr­un­ar­fræð­ing­ur, Sig­ríður María Egils­dótt­ir, laga­nemi, Þor­steinn Fr. Sig­urðs­son, fram­kvæmda­stjóri, og Þórður Magn­ús­son, fjár­fest­ir.

Bene­dikt Jóhann­es­­son, for­­maður Við­reisn­­­ar, seg­ist ætla að gefa Guðna Th. Jóhann­essyni, for­­seta Íslands, svar í dag um það hvort ráð­herrar flokks hans taki sæti í starfs­­stjórn­­inni fram að kosn­­ing­­um. Gera má ráð fyrir að hann játi því, sé mið tekið af ályktun ráð­gjafa­ráðs­ins.

Gert er ráð fyrir því að Bjarni Bene­dikts­son, for­sætiráð­herra og for­maður Sjálf­stæð­is­flokks­ins, muni leggja fram beiðni um þing­rof á fundi með for­set­anum á morg­un. Lík­leg­ast er að kosn­ingar fari fram 28. októ­ber.