Gunnar Bragi hættur í Framsóknarflokknum

Oddviti Framsóknarflokksins í Norðvesturkjördæmi hefur sagt sig úr flokknum og dregið framboð sitt til baka.

gunnar bragi
Auglýsing

Gunnar Bragi Sveins­son, odd­viti Fram­sókn­ar­flokks­ins í Norð­vest­ur­kjör­dæmi, hefur sagt sig úr flokknum og verður ekki í fram­boði fyrir hann í kom­andi kosn­ing­um.  Þetta upp­lýsir hann í stöðu­upp­færslu á Face­book. Þar segir hann enn fremur að ekki sé ljóst hvað hann geri nú en að það verði ákveðið á næstu dög­um.

Í stöðu­upp­færslu Gunn­ars Braga fjallar hann meðal ann­ars um að menn sem hann hafi hingað til talið til hrein­skipt­inna vina sinna séu nú farnir að grafa undan per­sónu hans. Þau óheil­indi séu leidd af fólki í trún­að­ar­störfum fyrir Fram­sókn­ar­flokk­inn í hans heima­byggð og öðrum ein­stak­lingum sem telji sig eiga að ráða fram­vindu mála. 

Síðan segir m.a.: „Fram­sókn­ar­fé­lagið mitt er klofið og ég sé að fólki er skipt í fylk­ing­ar. Gamla góða vina­lega kveðjan er í sumum til­fellum orðin í besta falli kurt­eis­is­leg. Þetta á ekki að vera svona, þetta þarf ekki að vera svona. Öllu þessu mátti forða hefðu menn hlustað eða komið hreint fram. Því miður er það nú að ræt­ast sem ég og fleiri vöruðum við og ég sagði við marga vini mína síðla sum­ars 2016 í upp­hafi inn­an­flokksátak­anna.

Auglýsing

Þegar svona er komið þá veltir maður fram­tíð­inni fyrir sér. Vil ég vinna í þessu umhverfi? Get ég unnið með fólki sem starfar með þessum hætti eða lætur það við­gangast? Ég hef und­an­farið hitt eða hringt í fjöld­ann allan af frá­bæru fólki sem ýmist hvetur mig til að taka slag­inn, “ekki láta þá kom­ast upp með þetta” eða þá að það hvetur mig til að draga mig í hlé vegna ástands­ins í flokkn­um.

Þegar ég rita þetta þá sit ég með hnút í mag­anum enda ekki létt að hverfa á braut. Eflaust gæti ég unnið for­systu­sætið en hvað er unnið með því ef sam­starfið verður óbæri­legt? Er heið­ar­legt að bjóða sig fram vit­andi að allar líkur eru á að maður myndi hrökkl­ast úr þing­flokkn­um?

Eftir að hafa ráð­fært mig við fjöl­skyldu og vini hef ég ákveðið að draga fram­boð mitt til baka. Ég hef jafn­framt ákveðið að segja mig úr Fram­sókn­ar­flokkn­um.

Hef ég upp­lýst for­mann Kjör­dæm­is­sam­bands fram­sókn­ar­manna í Norð­vest­ur­kjör­dæmi auk for­manns og vara­for­manns Fram­sókn­ar­flokk­ins um þetta.

Ég kveð flokk­inn minn með mik­illi sorg en sáttur við fram­lag mitt til hans. Ég mun sakna alls þess frá­bæra fólks sem þar er en margir þeirra hafa verið mér sam­ferða þennan tíma. 

Mér finnst miður að hafa ekki náð að tala við alla þá sem ég hefði viljað tala við und­an­farna daga og þá vil ég biðja afsök­un­ar.

Hvað ég geri nú er ekki ljóst en ég mun ákveða það næstu daga.“

Sig­mundur Davíð Gunn­laugs­son, fyrr­ver­andi for­maður Fram­sókn­ar­flokks­ins, sagði sig úr flokknum á sunnu­dag og hefur nú stofnað nýjan flokk, Mið­flokk­inn. Sá mæld­ist með 7,3 pró­sent fylgi í nýrri skoð­ana­könnun MMR og mæld­ist þar stærri en Fram­sókn­ar­flokk­ur­inn. Gunnar Bragi hefur lengi verið stuðn­ings­maður Sig­mundar Dav­íðs og staðið með honum í inn­an­flokksá­tökum sem átt hafa sér stað í flokknum að und­an­förnu. Gunnar Bragi var til að mynda skráður í stjórn Fram­fara­fé­lags Sig­mundar Dav­íðs sam­kvæmt þeim skjölum sem upp­runa­lega voru send til fyr­ir­tækja­skráar vegna skrán­ingar þess í upp­hafi sept­em­ber­mán­að­ar. Sú skrán­ing hefur nú verið leið­rétt og nafn Gunn­ars Braga fjar­lægt af lista yfir stjórn­ar­menn. Í hans stað er Sunna Gunn­ars Mart­eins­dótt­ir, fyrr­ver­andi aðstoð­ar­maður Gunn­ars Braga, í stjórn­inn­i. 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Sex ný innanlandssmit – 120 með COVID-19
Sex ný innanlandssmit af kórónuveirunni greindist hér á landi í gær. Fjögur sýni bíða mótefnamælingar úr landamæraskimun. 120 manns eru með COVID-19 og í einangrun. Einn liggur á gjörgæsludeild.
Kjarninn 13. ágúst 2020
Jacinda Ardern er í endurkjöri fyrir Verkamannaflokkinn. Til stóð að kosningar færu fram 19. september en það kann að breytast.
Í örvæntingarfullri leit að upprunanum
Þegar fyrsta nýja tilfellið af COVID-19 í meira en 100 daga greindist á Nýja-Sjálandi í vikunni vöknuðu margar spurningar en þó fyrst og fremst ein: Hvernig í ósköpunum komst veiran aftur inn í land sem hafði nær lokað sig algjörlega af fyrir umheiminum?
Kjarninn 13. ágúst 2020
Saga Japans
Saga Japans
Saga Japans – 14. þáttur: Maðurinn sem breytti sér í múmíu
Kjarninn 13. ágúst 2020
Oddný G. Harðardóttir
Hækkum atvinnuleysisbætur!
Kjarninn 13. ágúst 2020
Útgáfufélag DV og tengdra miðla tapaði yfir 600 milljónum á 28 mánuðum
Frjáls fjölmiðlun tapaði 21,5 milljón króna á mánuði frá því að félagið keypti DV og tengda miðla og fram að síðustu áramótum. Fjárfestingafélag Björgólfs Thors Björgólfssonar fjármagnaði tapreksturinn með vaxtalausu láni.
Kjarninn 13. ágúst 2020
Eldvarnasvið Húsnæðis- og mannvirkjastofnunar tekur fljótlega til starfa á starfsstöð stofnunarinnar á Sauðárkróki.
Búið að ráða í stöðu framkvæmdastjóra eldvarnasviðs HMS á Sauðárkróki
Stefnt er að því að eldvarnasvið Húsnæðis- og mannvirkjastofnunar taki til starfa á Sauðárkróki 1. október næstkomandi. Sjö nýir starfsmenn verða ráðnir auk framkvæmdastjóra en enginn af núverandi starfsmönnum HMS á sviðinu mun flytja norður.
Kjarninn 12. ágúst 2020
Fyrsta bakarí Brauð og Co. opnaði á Frakkastíg í mars 2016.
Skeljungur búinn að kaupa fjórðungshlut í bæði Gló og Brauð & Co
Greint er frá því í árshlutauppgjöri Skeljungs að fyrirtækið hafi fest kaup á 25 prósent hlut í bakarískeðjunni Brauð & Co og veitingastaðakeðjunni Gló á síðasta ársfjórðungi. Ekkert hefur verið gefið upp um kaupverðið.
Kjarninn 12. ágúst 2020
Herbert Herbertsson
Þeim er fórnandi, eða (ásættanleg áhætta)
Kjarninn 12. ágúst 2020
Meira úr sama flokkiInnlent