Ásgeir Jóns­son, dós­ent í hag­fræði við HÍ, segir ríkið ekki vel til þess fallið að leiða bank­ana í gegnum þær grund­vall­ar­breyt­ing­ar ­sem eru fram undan á banka­mark­að­i á kom­andi árum. Þetta kemur fram í Frétta­blað­inu í dag, þar sem fjallað er um breyt­ingar á reglu­verki um banka­starf­semi.

Í umfjöll­un­inni kemur fram að tekjur af við­skipta­banka­starf­semi evr­ópskra banka gætu dreg­ist saman um allt að fjórð­ung vegna nýrrar reglu­gerðar Evr­ópu­sam­bands­ins um greiðslu­þjón­ustu sem tekur gildi hér á land­i á næsta ári, sam­kvæmt grein­ing­u Sopra Bank­ing. 

Íslenska ríkið á mikla hags­muni undir þegar kemur að fjár­mála­kerf­inu, en sam­an­lagt nemur hlut­deild rík­is­ins í eigin fé end­ur­reistu bank­anna meira en 450 millj­örðum króna. Eigið fé Lands­bank­ans nemur um 260 millj­örð­um, eigið fé Íslands­banka um 180 millj­örðum og Arion banka 211 millj­örð­um, sé mið tekið af stöð­unni eins og hún var um síð­ustu ára­mót. Ríkið á Lands­bank­ann að nær öllu leyti (98 pró­sent) og Íslands­banka að öllu leyti. Hlutur rík­is­ins í Arion banka nemur 13 pró­sent­um.

Sér­fræð­ingar sem Frétta­blaðið vitnar til segja að inn­leið­ing ­reglu­gerð­ar­inn­ar, sem mun skylda ­banka til að veita öðrum fyr­ir­tækj­u­m að­gang að greiðslu­kerf­um sín­um, eigi eftir að ger­breyta íslenskum fjár­mála­mark­aði og umbylta fjár­mála­þjón­ustu áður en langt um líð­ur. 

Íslensku bank­arnir eru sagð­ir mis­vel í stakk búnir til að takast á við þær breyt­ingar en tekjur af við­skipta­banka­starf­semi standa und­ir­ um 90 pró­sentum af heild­ar­tekj­u­m þeirra. 

Gera megi ráð fyr­ir­ að færslu- og þóknana­gjöld banka, ­sem eru stór hluti af við­skipta­banka­tekj­u­m þeirra, lækki um 40 til 80 ­pró­sent þegar leik­endum í greiðslu­miðl­un ­fjölgi. „Þeir muni byggja við­skipta­módel sín á allt öðrum tekju­grunn­i en bankar og korta­fyr­ir­tæki í dag,“ segir í umfjöllun Frétta­blaðs­ins.