Eins og greint var frá í gær, þá hefur mælst fjölgun jarð­vegs­gerla í kalda vatn­inu í Reykja­vík, og hefur Heil­brigð­is­eft­ir­lit Reykja­víkur mælst til þess að neyslu­vatn í nær öllum hverfum borg­ar­innar sé soðið ef fólk er við­kvæmt fyr­ir. 

Til dæmis með lélegt ónæm­is­kerfi, unga­börn, aldr­aðir eða fólk með und­ir­liggj­andi sjúk­dóma.

Á Land­spít­al­anum er mælst til þess að starfs­fólk sjóði vatn áður en því er neytt. „Sýk­inga­varna­deild Land­spít­ala beinir því til starfs­fólks að sjóða allt neyslu­vatn fyrir jafnt sjúk­linga sem starfs­fólk þar til þessu neyð­ar­á­standi hefur verið aflétt. Ein­faldasta leiðin er að nota hraðsuðukatla á öllum deild­um, hella í vatns­könnur og kæla,“ segir í orð­send­ingu á vef Land­spít­al­ans. Þar segir enn fremur að Land­spít­ala hafi ekki verið til­kynnt um mál­ið. „Áríð­andi til­kynn­ingum verður komið jafnt og þétt á fram­færi gegnum vef­svæði og sam­fé­lags­miðla í sam­ræmi við fram­vindu máls­ins,“ segir á vef Land­spít­al­ans.

Í frétta­til­kynn­ingu frá Heil­brigð­is­eft­ir­liti Kjós­ar­svæð­is­ins er tekið fram að jarð­vegs­gerlar séu í neyslu­vatni á Sel­tjarn­ar­nesi, og að við­kvæmir verði að fara var­lega. „Heil­brigð­is­eft­ir­lit Kjós­ar­svæðis tók tvö sýni föstu­dag­inn 12. jan­úar á Sel­tjarn­ar­nesi og stóðst annað sýnið ekki við­mið í reglu­gerð um fjölda kulda­kærra gerla svo kall­aðra jarð­vegs­gerla. Þetta á ekki við í Mos­fells­bæ, sem fær vatn frá öðrum svæðum í Heið­mörk þar sem ekki hefur mælst gerla­fjöldi yfir við­mið­un­ar­mörk­um,“ segir í til­kynn­ing­unni.