Eign­ar­halds­fé­lagið Kaup­þing, ­sem er að mestu í eigu erlendra vog­un­ar­sjóða, hefur uppi áform um að kaupa þrettán pró­senta hlut ­rík­is­ins í Arion banka, og selja hlut­inn síðan áfram á hærra verði til ann­arra fjár­festa.

Þetta kemur fram í Frétta­blað­inu í dag, og er greint frá því að þessi áform bygg­ist á kaup­rétta­á­kvæði í hlut­hafa­sam­komu­lagi frá árinu 2009.

Þessi við­skipti eru sögð vera til skoð­unar í fjár­mála­ráðu­neyti Bjarna Bene­dikts­son­ar, for­manns Sjálf­stæð­is­flokks­ins.

Kaup­þing hefur þó ekki til­kynnt ráðu­neyt­inu um að það hygg­ist nýta kaup­rétt­inn, né heldur Banka­sýslu rík­is­ins, sem heldur á hlutnum fyrir hönd rík­is­ins, að því er fram kemur í Frétta­blað­in­u.  

Kaup­þing á 57 pró­senta hlut í Arion banka, í gegnum Kaup­skil. Vog­un­ar­sjóðir eiga svo beint um 30 pró­sent og íslenska ríkið 13 pró­sent hlut.

Bók­fært virði þessa 13 pró­senta hlutar mið­að við núver­andi eigið fé Arion banka er tæp­lega 29 millj­arð­ar, og virði Arion banka því 223 millj­arðar króna. 

Ekki er vitað á hvaða verði Kaup­þing get­ur nýtt sér kaup­rétt­inn að hlut rík­is­ins í bank­anum en í hlut­hafa­sam­komu­lag­in­u, ­sem var gert opin­bert í árs­byrj­un 2012, hafa þær upp­lýs­ing­ar verið felldar út, að því er segir í Frétta­blað­inu. „Áform Kaup­þings um að nýta sér­ ­kaup­rétt­inn helg­ast af því að félag­ið hefur vænt­ingar um að það geti selt hlut­inn áfram innan ekki of langs ­tíma – og á hærra verði – til ann­arra fjár­festa. Kaup­þing hefur nú þeg­ar ­boðið íslenskum líf­eyr­is­sjóð­u­m, eins og greint var frá í Mark­aðn­um í gær, að kaupa að lág­marki fimm ­pró­senta hlut í bank­an­um,“ segir í Frétta­blað­inu.