Almennt er hús­næð­is­verð að hækka meira í öðrum hverfum en í mið­borg Reykja­vík­ur, og því hefur dregið nokkuð saman með hverf­um. Þetta kemur fram í skýrslu Arion banka um hús­næð­is­mark­að­inn.

Í skýrsl­unni segir að almennt séu horfur nokkuð góðar á fast­eigna­mark­aði, og því er spáð að fast­eigna­verð muni halda áfram að hækka á þessu ári, en þó ekki eins mikið og und­an­farin ár. Við­ver­andi skortur er þó á hús­næði, og mik­ill upp­bygg­ing­ar­tími framund­an.

Íbúða­fjöldi á land­inu jókst um 1700 íbúðir á síð­asta ári og aukið fram­boð er í far­vatn­inu. Byggja þarf hátt í níu ­þús­und íbúðir á land­inu öllu fram til árs­loka 2020, ef mark­miðið er að vinna á skort­inum sem mynd­ast hefur og til­ að fram­boð haldi í við fólks­fjölg­un. „Sam­kvæmt okkar spá er ólík­legt að sá fjöldi náist,“ segir í skýrsl­unn­i. 

Sam­kvæmt spá Arion banka mun fast­eigna­verð hækka um 6,6 pró­sent á þessu ári, 4,4 pró­sent á því næsta og síðan um 2 pró­sent árið 2020. 

Spá Arion banka gerir meðal ann­ars ráð fyrir að laun muni hækka umfram hús­næð­is­verð­þró­un, ólíkt því sem hefur verið raunin und­an­farin miss­eri. Að því leyt­inu til verði ákveðin leið­rétt­ing á gang­verki mark­að­ar­ins.