Stýri­vextir Seðla­banka Íslands verða áfram 4,25 pró­sent sam­kvæmt ákvörðun Pen­inga­stefnu­nefndar hans sem kynnt var í morg­un.

Í yfir­lýs­ingu nefnd­ar­innar er sér­stak­lega fjallað um að verð­bólga í jan­úar hafi auk­ist úr 1,9 pró­sent í 2,4 pró­sent og að sú hækkun sé fyrst og fremst vegna hækk­unar á hús­næð­is­verði á lands­byggð­inn­i.„Und­ir­liggj­andi verð­bólga jókst einnig nokk­uð. Und­an­farið hálft ár hefur dregið úr verð­hækkun hús­næðis en áhrif hærra gengis krón­unnar farið dvín­andi. Lík­legt er að þessi þróun haldi áfram á næst­unni. Gengið hefur lítið breyst frá síð­asta fundi pen­inga­stefnu­nefndar enda hefur gjald­eyr­is­mark­að­ur­inn verið í ágætu jafn­vægi. Horfur eru á að verð­bólga verði nálægt mark­miði á spá­tím­anum og verð­bólgu­vænt­ingar hafa á heild­ina litið einnig verið í sam­ræmi við það um nokk­urt skeið.“

Sam­kvæmt nýrri þjóð­hags­spá Seðla­bank­ans, sem birt er í febr­ú­ar­hefti Pen­inga­mála sem gert var opin­bert í morg­un, verður hag­vöxtur áranna 2017 og 2018 heldur minni en spáð var í nóv­em­ber. „Stafar það einkum af því að útflutn­ingur jókst hægar í fyrra en gert var ráð fyrir en á móti vegur hrað­ari vöxtur inn­lendrar eft­ir­spurnar bæði árin. Það skýrist aðal­lega af meiri fjár­fest­ingu og minna aðhaldi í opin­berum fjár­mál­u­m,“ segir í yfir­lýs­ingu nefnd­ar­inn­ar.

Pen­inga­stefnu­nefnd segir að hátt raun­gengi hafi hægt á vexti útflutn­ings og horfur eru á minnk­andi spennu í þjóð­ar­bú­skapn­um. „Eigi að síður er áfram þörf fyrir pen­inga­legt aðhald til að halda aftur af örum vexti inn­lendrar eft­ir­spurn­ar, m.a. í ljósi þess að horfur eru á minna aðhaldi í opin­berum fjár­málum en áður var gert ráð fyr­ir. Þá ríkir enn óvissa um nið­ur­stöðu kjara­samn­inga.“