Við opnun mark­aða í Asíu í nótt lækk­aði verð á hluta­bréfum hratt. Í Japan lækk­aði Nikkei vísi­talan um tæp­lega 4 pró­sent og í kaup­höll­inni í Shang­hai lækk­uðu hluta­bréf um 5 pró­sent. 

Þetta telj­ast miklar lækk­anir innan dags. Á einni viku hafa hluta­bréf í Banda­ríkj­unum lækkað um tæp­lega 10 pró­sent, en skörp lækkun varð á mörk­uðum í gær, líkt og varð í byrjun vik­unn­ar. 

Fast­lega er búist við því, að mark­aðir geti haldið áfram að sveifl­ast tölu­vert á næstu miss­er­um. 

Á vef Wall Street Journal og BBC kemur fram að fjár­­­festar hafi brugð­ist hratt við yfir­­lýs­ingum Eng­lands­­banka (Bank Of England) þess efnis að vextir yrðu hugs­an­­lega hækk­­aðir hraðar en áður hafði verið búist við, og að verð­­bólga kunni að vaxa á næst­unn­i. 

Þessar sveiflur nú ættu ekki að koma mörgum á óvart, í ljósi mik­ils upp­­­gangs á hluta­bréfa­­mörk­uðum á und­an­­förnum árum. Ekki aðeins á und­an­­förnu ári, heldur í reynd allt frá því að við­­spyrnan hófst á fjár­­­mála­­mörk­uðum eftir hrunið 2007 til 2009. 

Aðgerðir seðla­­banka, ekki síst í Banda­­ríkj­un­um, Bret­landi og Evr­­ópu, hafa haft víð­tæk áhrif á gang efna­hags­­mála og þróun á verð­bréfa­­mörk­uð­u­m.

Flestir eru þó sam­mála um að und­ir­liggj­andi staðan í heim­bú­skapnum sé betri nú en oft áður. Eft­ir­spurn hefur vaxið mik­ið, atvinnu­leysi minnkað hratt og fram­tíð­ar­horf­ur, í Evr­ópu og í Banda­ríkj­un­um, eru taldar með ágæt­um. Atvinnu­leysi mælist nú 4,7 pró­sent í Banda­ríkj­un­um, sem er með allra lægsta móti, og í Evr­ópu hefur það lækkað hratt, og er nú um 8,5 pró­sent að með­al­tali meðal Evr­ópu­sam­bands­ríkja.