Virði eigna Heimavalla yfir 50 milljarðar og eigið féð 17,6 milljarðar

Leigufélagið Heimavellir hefur vaxið hratt á síðustu árum.

hús íbúð fasteignir
Auglýsing

Leigu­fé­lagið Heima­vell­ir, sem er á leið á skráðan markað mán­að­ar­mótin mar­s/a­pr­íl, var með eignir upp á 53,6 millj­arða í lok árs í fyrra og var aukn­ingin milli ára 12,9 millj­arðar króna. Rekstr­ar­hagn­aður nam 2,7 millj­örðum en var 2,2 millj­arðar árið 2016. 

Leigu­tekjur á árinu 2017 voru rúm­lega þrír millj­arð­ar, sem er tvö­földun frá árinu 2016. Mats­breyt­ing á virði eigna, meðal ann­ars vegna hækk­andi fast­eigna­mats, nam 3,8 millj­örðum króna, sam­kvæmt til­kynn­ingu frá félag­in­u. 

Í árs­lok í fyrra átti félagið rúm­lega tvö þús­und íbúð­ir, en það hefur tryggt sér kaup á 340 nýjum íbúðum á þessu ári. 

Auglýsing

Vaxta­ber­andi skuldir félags­ins eru tæp­lega 35 millj­arðar króna og eigið fé þess 17,6 millj­arð­ar. Eig­in­fjár­hlut­fallið er 31,4 pró­sent.

Guð­brandur Sig­urðs­son, for­stjóri Heima­valla, segir í til­kynn­ingu að fjár­hagur félags­ins sé sterk­ur. „Ég er sáttur við rekstr­ar­nið­ur­stöðu félags­ins á árinu 2017. Félagið hefur vaxið hratt og tekið yfir stór og krefj­andi leigu­söfn sem hefur gengið vel að sam­þætta annarri starf­semi félags­ins. Rekst­ur­inn styrkt­ist veru­lega á síð­asta ári sem sést best á því að mán­að­ar­leg velta hækk­aði úr 230 millj­ónum króna á fyrsta árs­fjórð­ungi 2017 í 290 millj­ónir króna á síð­asta árs­fjórð­ungi árs­ins. Þessi veltu­aukn­ing skil­aði sér í bættum rekstri og afkomu. Við teljum okkur í góðri stöðu fyrir fyr­ir­hug­aða skrán­ingu félags­ins í Kaup­höll. Við horfum bjart­sýn fram á veg­inn. Það er mik­il­vægt að geta boðið nýjar lausnir og val­kosti eins og staðan er á hús­næð­is­mark­aði í dag. Við erum mark­visst að byggja upp leigu­markað þar sem fólk getur reitt sig á örugga lang­tíma­leigu eins og þekk­ist í nágranna­löndum okk­ar. Þannig viljum við stuðla að fjöl­breytt­ari og stöðugri hús­næð­is­mark­aði á Ísland­i. Áherslur félags­ins verða þar sem þörfin er mest, þar á meðal íbúðir fyrir eldri borg­ara, en við erum einnig að skoða leiðir til að koma á markað litlum hag­kvæmum leigu­í­búðum sem mikil þörf er fyrir um þessar mund­ir,“ segir Guð­brand­ur.

Hluti af þeim 340 íbúðum sem koma til afhend­ingar hjá Heima­völlum á þessu og næsta ári eru sér­hann­aðar fyrir eldri borg­ara, segir í til­kynn­ing­unni. „Þetta er nýj­ung hjá Heima­völlum til að bregð­ast við þörf á fjöl­breytt­ari úrræðum í hús­næð­is­málum fyrir þennan ald­urs­hóp,“ segir í til­kynn­ing­unn­i. 

Ann­ars vegar er um að ræða 58 íbúðir í tveimur fjöl­býl­is­húsum við Boða­þing í Kópa­vogi, í nágrenni við þjón­ustu fyrir eldri borg­ara á vegum Hrafn­istu og Kópa­vogs­bæj­ar. Hins vegar er um að ræða átján íbúða fjöl­býl­is­hús fyrir eldri borg­ara við Jað­ar­leiti, á nýjum bygg­ing­ar­reit sunnan við Útvarps­húsið í Efsta­leiti.

Þá hafa Heima­vellir fjár­fest í 164 íbúðum í nýju hverfi við Hlíð­ar­enda og kemur félagið þar til móts við stóran hóp fólks sem hefur áhuga á að kom­ast í öruggt leigu­hús­næði mið­svæðis í Reykja­vík. Gert er ráð fyrir að íbúð­irnar verði til­búnar til afhend­ingar á árinu 2019. Alls verða um sex hund­ruð íbúðir á svæð­inu og er mark­mið skipu­lags­ins „að skapa hverfi með borg­ar­brag, með fjöl­breytni í húsa­gerð, stórum sam­eig­in­legum inn­görðum og iðandi mann­líf­i,“ að því er segir í til­kynn­ingu.

Einnig eru að koma til afhend­ingar 47 íbúðir við Eini­velli í Hafn­ar­firði. Um er að ræða góðar fjöl­skyldu­í­búðir í barn­vænu og vin­sælu hverfi. Þá verður fram­hald á verk­efni sem hófst í fyrra að breyta setu­stofum í fast­eignum Heima­valla á Ásbrú í stúd­íó­í­búð­ir. Í fyrra var 51 íbúð stand­sett en gert er ráð fyrir að þetta verk­efni muni skila félag­inu 36 nýjum stúd­íó­í­búðum til við­bótar næsta sum­ar.

Meiri hækkun stýrivaxta kom til greina
Fundargerð peningastefnunefndar Seðlabanka Íslands frá því fyrr í mánuðinum hefur verið birt.
Kjarninn 21. nóvember 2018
Aðförin
Aðförin
Aðförin – Mannlíf milli húsa
Kjarninn 21. nóvember 2018
Sverrir Mar Albertsson
Aþþíbara
Kjarninn 21. nóvember 2018
Pottersen
Pottersen
Pottersen – 4. þáttur: Fljúgandi sjálfrennireið og sjálfskaðandi húsálfur
Kjarninn 21. nóvember 2018
Dómar í markaðsmisnotkunarmálum hafa dregið línu í sandinn
Forstjóri Kauphallarinnar segir að það sé aldrei hægt að tryggja að einhver fari ekki yfir á rauðu ljósi þótt það sé bannað. Fjárfestingaumhverfið hér sé þó mun tryggara og með öðrum hætti en fyrir áratug síðan.
Kjarninn 21. nóvember 2018
Eiríkur Jónsson er annar þeirra sem stefndi ríkinu vegna ólögmætra athafna Sigríðar Á. Andersen.
Ríkið áfrýjar dómi vegna skipunar dómara
Íslenska ríkið hefur áfrýjað dómum Héraðsdóms Reykjavíkur sem dæmdi ríkið bótaskylt í málum þeirra Jóns Höskuldssonar og Eiríks Jónssonar.
Kjarninn 21. nóvember 2018
Blýanturinn á útleið í prófum – Tölvur taka við
Innan nokkurra ára munu blýanturinn og penninn heyra sögunni til innan Háskóla Íslands með tilkomu rafræns prófakerfis.
Kjarninn 21. nóvember 2018
Kim Jong-yang nýkjörinn forseti Interpol.
Óvæntur sigur í forsetakjöri Interpol
Fulltrúi Rússa var talinn líklegastur til þess að verða kjörinn forseti alþjóðalögreglunnar Interpol en hann tapaði óvænt fyrir Suður-kóreumanninum Kim Jong-yang. Kosið var um nýjan forseti eftir að sitjandi forseta Interpol hvarf í október.
Kjarninn 21. nóvember 2018
Meira úr sama flokkiInnlent