Banka­sýsla rík­is­ins sendi í dag til­lögu til Bjarna Bene­dikts­son­ar, fjár­mála- og efna­hags­ráð­herra, um að ríkið ætti að selja Kaup­skil­um, dótt­ur­fé­lagi Kaup­þings ehf., 13 pró­sent hlut rík­is­ins í Arion banka á 23,4 millj­arða króna. Um er að ræða nýt­ingu á kaup­rétti Kaup­þings sam­kvæmt hlut­hafa­sam­komu­lagi sem gert var árið 2009 þegar ríkið lagði Arion banka til 9,8 millj­arða króna gegn því að fá umræddan eign­ar­hlut. Ríkið hafði til 21. febr­úar að taka til­boði Kaup­þings en líkt og Kjarn­inn hefur áður greint frá þá gat ríkið ekki hafnað því. Um var að ræða ein­hliða rétt til að nýta sér kaup­rétt­inn.

Þetta er stað­fest í frétt á vef Banka­sýslu rík­is­ins, Þar sem segir að það sé nið­ur­staða hennar að „Kaup­skil ehf. hafi ein­hliða, ótví­ræðan og for­taks­lausan samn­ings­bund­inn rétt til að kaupa hlut íslenska rík­is­ins í Arion banka hf. á grund­velli fyrr­greinds hlut­hafa­sam­komu­lags. Í hlut­hafa­sam­komu­lag­inu kom fram hvernig kaup­rétt­ar­verðið skyldi reiknað út. Und­ir­liggj­andi for­sendur voru að rík­is­sjóður skyldi ávaxta upp­haf­legt hluta­fjár­fram­lag (áskrift­ar­verð) sitt til bank­ans miðað við til­tekna vexti, 5 pró­sent áhættu­á­lag og ára­fjölda.

Stofn­unin hefur yfir­farið útreikn­ing á kaup­rétt­ar­verð­inu og fengið stað­fest­ingu Grant Thornton á því. Nið­ur­staðan er að kaup­rétt­ar­verð, miðað við upp­gjör þann 21. febr­úar nk., er  23.422.585.119 kr. sem er sama verð og birt­ist í til­kynn­ingu Kaup­skila ehf. um nýt­ingu kaup­rétt­ar­ins.“

Hægt er að lesa til­lögu Banka­sýsl­unnar í heild sinni hér.