Taconic Capital með bein og óbein yfirráð í Arion banka

Bandarískur vogunarsjóður er með næstum helming hlutafjár í Kaupþingi, sem er stærsti eigandi Arion banka.

Ritstjórn Kjarnans 21. febrúar 2018

Bandaríski vogunarsjóðurinn Taconic Capital, sem á 9,99 prósenta hlut í Arion banka, bætti talsvert við eignarhlut sinn í Kaupþingi í fyrra – fór úr 38 prósentum í tæplega 46 prósent – en sjóðurinn er sem fyrr langsamlega stærsti hluthafi eignarhaldsfélagsins.

Frá þessu eru greint í Markaðnum í dag, en Fjármálaeftirlitið mat sjóðinn hæfan til að fara með virkan eignarhlut í Arion banka í september í fyrra.

Frank Brosens, stærsti eigandi og stjórnandi Taconic Capital. Eignir sjóðsins nema meira en 7,7 milljörðum Bandaríkjadala, eða sem nemur tæplega átta hundruð milljörðum króna.

Vogunarsjóðurinn er með beint og óbeint eignarhald í Arion banka, sem stærsti hluthafi Kaupþings, sem nemur um 36 prósentum, eða vel ríflega þriðjungi. Stjórnandi sjóðsins og stærsti eigandi, Frank Brosens, hefur talað um áhuga sinn á fjárfestingum á Íslandi, og sagði hann í viðtali við Fréttablaðið að hann teldi framtíðarhorfur efnahagsmála á Ísland góðar og í þeim felist spennandi fjárfestingakostur.

Heildareignir Kaupþings námu um 230 milljörðum í lok þriðja ársfjórðungs 2017 en þar munaði mest um 57 prósenta eignarhlut félagsins í Arion banka sem var þá metinn á liðlega 98 milljarða, að því er fram kemur í Markaðnum.

Sem kunnugt er hefur Bankasýsla ríkisins ráðlagt ríkinu að selja hlut sinn í Arion banka, 13 prósent, á 23,4 milljarða króna. Byggja viðskipti á kauprétti á hlutnum, sem taka mið af fyrrnefndu verði.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.

Já takk, ég vil styrkja Kjarnann!

Orðafjöldi: 306 Færslan birtist fyrst: 21. febrúar 2018, kl. 9:00