Lilja Dögg Alfreðs­dótt­ir, mennta- og menn­ing­ar­mála­ráð­herra, og Svan­dís Svav­ars­dótt­ir, heil­brigð­is­ráð­herra, hafa þegar fundað um það hvernig megi bæta sál­fræð­is­þjón­ustu í fram­halds­skól­um.

Nýjar tölur sýna mikið brott­fall úr fram­halds­skóla vegna and­legra veik­inda nem­enda.

Frá þessu er greint í Frétta­blað­inu í dag. 

Haft er eftir Davíð Snæ Jóns­syni, for­manni Sam­bands íslenskra fram­halds­skóla, að nýjar tölur um brott­fall nem­enda séu svaka­leg­ar. „Við sjáum að töl­urn­ar eru svaka­leg­ar. 141 sem hættir í námi vegna and­legra veik­inda,“ ­segir Davíð Snær og vísar í nýja skýrslu ­Mennta­mála­stofn­unar um brott­hvarf í fram­halds­skól­u­m. 

Talan sem Davíð vísar til nær ­yfir síð­ustu haustönn en í heild­ina hættu rúm­lega 750 nem­endur í fram­halds­skóla í haust, að því er fram kemur í Frétta­blað­in­u. 

SÍF stendur um þessar mund­ir­ ­fyrir her­ferð á sam­fé­lags­miðl­u­m og reynir þannig að þrýsta á stjórn­völd um að boðið verði upp á gjald­frjálsa sál­fræði­þjón­ustu í fram­halds­skól­u­m. 

Davíð segir í sam­tali við Frétta­blaðið þátt­tök­una hafa ­sýnt að and­legi þátt­ur­inn sé mik­il­væg­ur, en alþjóð­legar mæl­ingar hafa sýnt að Ísland er eft­ir­bátur flestra þjóða í Evr­ópu, þegar kemur að brott­falli úr fram­halds­skóla.