Ferða­mála­stofa fær heim­ildir til að leggja dag­sektir á fyr­ir­tæki í ferða­þjón­ustu sam­kvæmt nýju frum­varpi til laga um Ferða­mála­stofu, ferða­mála­ráð og leyf­is­veit­ingar í ferða­þjón­ustu sem atvinnu­vega- og nýsköp­un­ar­ráðu­neytið hefur birt og óskað eftir umsögnum um.

Í frum­varp­inu er lagt til að Ferða­mála­stofu verði veittar heim­ildir til að beita aðila, sem ekki fara að ákvörð­unum sem teknar hafa verið á grund­velli lag­anna, eða stunda leyf­is- eða skrán­ing­ar­skylda starf­semi án við­eig­andi leyfis eða skrán­ing­ar, dag­sektum þar sem farið verði að henni eða starf­semi skráð á full­nægj­andi hátt. Með dag­sektum verður henni þannig kleift að þvinga aðila til að fara að ákvæðum lag­anna, til dæmis varð­andi leyf­is­skyldu og skrán­ingu, gerð örygg­is­á­ætl­ana og fleira. Ekki er hins vegar lagt til að svo stöddu að Ferða­mála­stofa fái heim­ild til að beita stjórn­valds­sekt­um.

Ferða­mála­stofa mun eftir sem áður geta fellt niður leyfi aðila.

Frum­varpið felur að öðru leyti í sér nýja lög­gjöf um Ferða­mála­stofu, ferða­mála­ráð og leyf­is­veit­ingar í ferða­þjón­ustu sem ætlað er að standa sjálf­stæð en til hliðar við lög um pakka­ferðir og sam­tengda ferða­til­högun sem hefur einnig verið lagt fram. Helstu breyt­ingar frá gild­andi lögum snúa að stjórn­sýslu mála­flokks­ins, breyt­ingu á hlut­verki Ferða­mála­stofu, skyldu ferða­þjón­ustu­að­ila til að setja sér örygg­is­á­ætl­un, dag­sekt­ar­heim­ild­inni og flutn­ingi ákvæða yfir í lög um pakka­ferðir og sam­tengda ferða­til­hög­un.

Í frum­varp­inu er þannig lagt til að lög­fest verði skylda ferða­þjón­ustu­að­ila sem bjóða upp á skipu­lagðar ferðir að útbúa örygg­is­á­ætlun í sam­ræmi við til­lögur sem fram koma í skýrsl­unni. Áður hefur verið lagt til að slík skylda verði lög­fest. Örygg­is­á­ætlun skal vera með ákveðnum hætti og inni­halda m.a. við­bragðs­á­ætlun og er lagt til að ráð­herra setji nán­ari fyr­ir­mæli í reglu­gerð um hvað koma skuli fram í örygg­is­á­ætl­un. Mark­miðið er að auka öryggi ferða­manna sem hingað koma í skipu­lagðar ferðir eða kaupa slíka ferða­þjón­ustu inn­an­lands. Þannig er gert ráð fyrir að ferða­þjón­ustu­að­ili þurfi að útbúa örygg­is­á­ætlun fyrir sér­hverja teg­und ferðar þar sem lagt er mat á helstu áhættu­þætti ferð­ar­inn­ar, við­brögð við hugs­an­legri vá og áætlun um hvernig skuli brugð­ist við ef eitt­hvað fer úrskeið­is.