Fram­sókn­ar­flokk­ur­inn telur hug­myndir um flug­völl í Hvassa­hrauni óraun­hæfar og telur hag­kvæmara að efla Reykja­vík­ur­flug­völl og Kefla­vík­ur­flug­völl í þeirra hlut­verk­um. Þetta kemur fram í við­bót við ályktnu um sam­göngu­mál sem Jóhann Frið­rik Frið­riks­son, efsti maður á fram­boðs­lista flokks­ins í Reykja­nesbæ í kom­andi sveit­ar­stjórn­ar­kosn­ing­um, lagði fram á flokks­þingi Fram­sókn­ar­flokks­ins í dag og var sam­þykkt.

Jóhann Frið­rik greinir frá þessu í stöðu­upp­færslu á Face­book-­síðu sinni. Þar segir hann: „Mið­stöð inn­an­lands­flugs á Íslandi er í Reykja­vík og milli­landa­flugs á Suð­ur­nesj­um. Svæð­is­skipu­lag Suð­ur­nesja sem sam­þykkt hefur verið af öllum sveit­ar­fé­lögum svæð­is­ins gerir ekki ráð fyrir flug­starf­semi í Hvassa­hrauni. Hvassa­hraun liggur á vatns­vernd­ar­svæði á svoköll­uðu fjar­svæði vatns­verndar fyrir Suð­ur­nes. Við skil­grein­ingu fjar­svæðis er litið til þátta eins og mis­gengis og sprungna þar sem gæta þarf sér­stakrar var­úðar og því eru fram­kvæmdir þar tak­mörkum sett­ar. Áætlað er að flug­vall­ar­fram­kvæmdir í Hvassa­hrauni geti kostað yfir 200 millj­arða króna. Fjár­munum er mun betur varið til vega­mála þar sem stór­átaks er þörf.“

Sig­urður Ingi Jóhanns­son, for­maður Fram­sókn­ar­flokks­ins, er sam­göngu- og sveit­ar­stjórn­ar­ráð­herra og er því æðsti yfir­maður sam­göngu­mála í land­inu.

Rögn­u­­nefnd­in, stýri­hópur rík­­is­ins, Reykja­vík­­­ur­­borgar og Icelandair Group sem hafði það mark­mið að kanna og meta nokkra staði fyrir nýjan inn­­an­lands­flug­­völl á höf­uð­­borg­­ar­­svæð­inu, skil­aði skýrslu sinni árið 2015. Í nið­ur­stöðu hennar kom fram að hag­­kvæm­­ast sé að byggja nýjan flug­­­völl í Hvassa­hrauni, sem er á mörkum Hafn­­ar­fjarðar og Voga. Nefndin lagði til að flug­­vall­­ar­skil­yrði í Hvassa­hrauni yrðu full­könnuð með nauð­­syn­­legum rann­­sóknum og að sam­hliða yrði náð sam­komu­lagi um rekstr­­ar­ör­yggi Reykja­vík­­­ur­flug­vallar í Vatns­­­mýri verði tryggt á meðan að nauð­­syn­­legur und­ir­­bún­­ingur og, eftir atvik­um, fram­­kvæmdir fari fram.