Félag í eigu þriggja stjórn­enda Klakka, eign­ar­halds­fé­lags sem held­ur utan um 100 pró­senta hlut í eigna­leigu­fyr­ir­tæk­in­u Lykli, átti næst­hæsta til­boðið í tæp­lega 18 pró­senta hlut rík­is­ins í Klakka þegar hlut­ur­inn var boð­inn til sölu haustið 2016. Um­rætt félag, Ása­flöt, vildi ekki að ­upp­lýst yrði um þátt­töku þess í sölu­ferl­in­u og bar því við að Lind­ar­hvoll, ­fé­lag sem hélt utan um stöð­ug­leika­eign­ir ­sem voru fram­seldar rík­in­u og sá um sölu­ferlið, hafði heitið því ­trún­að­i. 

Sam­kvæmt nýjum úrskurði úrskurð­ar­nefndar um upp­lýs­inga­mál, þarf Lind­ar­hvoll að veita aðgang að upp­lýs­ingum um sölu­ferlið á hlut rík­is­ins í Klakka, og segir í úrskurð­inum að Lind­ar­hvoll hafi ekki haft heim­ild til þess heita áhuga­sömum kaup­endum trún­aði.

Frá þessu er greint í Mark­aðnum í dag, en úrskurð­ur­inn hefur ekki verið birtur á vef úrskurð­ar­nefndar um upp­lýs­inga­mál.

Af þeim þremur félögum sem buðu í hlut rík­is­ins í Klakka tengdust þannig tvö félög stjórn­end­um ­eign­ar­halds­fé­lags­ins, en Magn­ús Schev­ing Thor­steins­son, for­stjóri Klakka, er eini stjórn­ar­maður BLM fjár­fest­inga, sem var hæst­bjóð­and­i, og jafn­framt einn af eig­endum Ásaflat­ar ­sem átti næst­hæsta til­boðið í hlut rík­is­ins, að því er segir í Mark­aðn­um. 

Félagið BLM fjár­fest­ing­ar, dótt­ur­fé­lag vog­un­ar­sjóðs­ins Burlington Loan Mana­gement, átti hæsta til­boðið í 17,7 pró­senta hlut rík­is­ins í Klakka en það hljóð­aði upp á 505 millj­ón­ir króna. Ása­flöt bauð 502 millj­ónir í hlut­inn en þriðja til­boð­ið, sem hljóð­ aði upp á 501 milljón króna, barst frá Frigus II í eigu Ágústs og Lýðs Guð­munds­sona, og Sig­urðar Val­týs­son­ar, fyrr­ver­andi for­stjóra Exista. 

„For­svars­menn Frigusar óskuð­u eftir því við Lind­ar­hvol að félag­ið ­fengi aðgang að fyr­ir­liggj­andi gögn­um um sölu­ferlið en þeirri beiðn­i var hafn­að. Málið kom til kasta úr­skurð­ar­nefndar um upp­lýs­inga­mál ­sem féllst í síð­ustu viku á nær allar beiðnir Frigusar. Á meðal gagna ­sem Lind­ar­hvoli ber nú að af­henda Frigusi eru fund­ar­gerð­ir ­stjórnar Lind­ar­hvols, ­sam­skipt­i hæsta­rétt­ar­lög­manns­ins ­Stein­ars Þór­s Guð­geirs­son­ar, þáver­and­i ­stjórn­ar­manns Klakka sem tók auk þess við til­boð­u­m í eign­ar­hlut­inn fyrir hönd ­rík­is­ins, og stjórnar Lind­ar­hvols, ­sam­skipti Lind­ar­hvols og til­boðs­gjaf­anna þriggja og afrit af þeim þrem­ur til­boðum sem bárust,“ segir í Mark­aðnum. 

Sig­urður segir í sam­tali við Mark­að­inn, að afar illa hafi gengið að fá sjálf­sagðar upp­lýs­ingar um sölu­ferlið frá Lind­ar­hvoldi. „Þarna var verið að selja eig­ur ­ríks­is­ins til sér­val­inna aðila. Ekki var ­reynt að hámarka sölu­verðið og því er þetta mál álits­hnekkir fyrir stjórn­ Lind­ar­hvols,“ segir Sig­urður í sam­tali við Mark­að­inn.