Dagur B. Egg­erts­son segir hug­myndir Sjálf­stæð­is­flokks­ins, sem kynntar voru á íbúa­fundi í Graf­ar­vogi í gær, óraun­sæjar og skorta fram­tíð­ar­sýn og þekk­ingu í sam­göngu- og skipu­lags­mál­um.

Á fund­inum kynnti Sjálf­stæð­is­flokk­ur­inn hug­myndir um stór­fellda upp­bygg­ingu í Keld­um, þar sem hægt væri að færa stofn­anir og búa til atvinnu­tæki­færi, ásamt byggð sem efla myndi sjálf­stætt og sjálf­bært sam­fé­lag í Graf­ar­vogi.

Í stöðu­upp­fræslu á Face­book segir Dagur fulla ástæðu til að vara borg­ar­búa við þessu, ekki síst þá sem búa í aust­ur­hluta borg­ar­innar og nota Miklu­braut itl að kom­ast leiðar sinna til og frá vinnu.

„Ey­þór Arn­alds og Sjálf­stæð­is­flokk­ur­inn leggj­ast gegn Borg­ar­línu og öðrum lyk­il-­leiðum til að létta á umferð­inni. Engu að síður hélt hann fund í gær þar sem hann boðar risa­hverfi í landi Keldna (við Graf­ar­vog). Upp­bygg­ing þar hefur alltaf verið háð því að borg­ar­l­ina verði að veru­leika, sbr. vilja­yf­ir­lýs­ingu ríkis og borgar um við­ræður um Keldna-landið frá síð­asta ári,“ segir Dagur

Hann segir Sjálf­stæð­is­flokk­inn boða Keldna­hverfi án nokk­urra sam­göngu­lausna og ætli þannig með öðrum orðum að bæta allri umferð frá þessu nýja hverfi inn á Miklu­braut.

„Þetta er mjög van­hugsað og eig­in­lega bara galið. Ég held satt best að segja að íbúar í Graf­ar­vogi, Graf­ar­holti, Úlf­arsár­dal, Árbæ og Breið­holti hafi ekki fengið kald­ari kveðjur í seinni tíð. Þetta er bein árás á dag­legar sam­göngur þessa helm­ings borg­ar­búa og þar með lífs­gæð­i.“