Afkoma RÚV var jákvæð um 321 milljón í fyrra, fyrir skatta, og munar þar ekki síst um 174 millj­óna króna hagnað vegna sölu á bygg­ing­ar­rétti. Hagn­aður vegna sölu af bygg­ing­ar­réti var að mestur færðu í árs­reikn­ingi vegna árs­ins 2016, en tekjur vegna söl­unnar voru langt um meiri en „var­legar áætl­an­ir“ RÚV gerðu ráð fyr­ir. „Tekjur af þess­ari sölu byggj­ast á end­an­legu bygg­inga­magni á lóð­inni og lá það fyrir í byrjun árs 2018. Heild­ar­sölu­verð er 1.966 m.kr., sem er umtals­vert meira en var­legar áætl­anir RÚV höfðu gert ráð fyrir í upp­hafi. Mark­mið RÚV með sölu bygg­ing­ar­rétt­ar­ins var að greiða niður skuldir félags­ins og hefur það gengið eftir og leitt til mestu skulda­lækk­unar í sögu félags­ins. Félagið hefur haldið áfram nið­ur­greiðslu skulda eftir að loka­greiðslur bár­ust í árs­byrjun 2018 og hefur einnig ráð­stafað hagn­aði árs­ins af reglu­legri starf­semi með sama hætti. Eftir sem áður er félagið mikið skuld­sett,“ segir í til­kynn­ingu félags­ins til Kaup­hall­ar.

Rekstr­ar­gjöld án afskrifta námu 5,6 millj­örðum króna en 5,6 millj­örðum árið 2016. 

Afskriftir voru 316 millj­ónir sam­an­borið við 308 millj­ónir árið 2016. 

Heild­ar­eignir félags­ins í lok árs 2017 námu 8,4 millj­örðum króna, eigið fé var 2,2 millj­arðar króna  og eig­in­fjár­hlut­fall 26,1 pró­sent en var það var 23,8 pró­sent í lok árs 2016.  

Eig­in­fjár­hlut­fall hefur hækkað mikið að und­an­förnu en það var 5,5 pró­sent í lok rekstr­ar­árs­ins 2013-2014, að því er segir í til­kynn­ingu félags­ins.

Stöðu­gildi voru að með­al­tali 260 á árinu en fjöldi þeirra hefur verið svip­aður frá árinu 2015 eftir mikla fækkun á miss­er­unum þar á und­an. „Út­varps­gjald var lækkað á nokk­urra ára tíma­bili ásamt því að mögu­leikar á öflun tekna í gegnum sölu aug­lýs­inga og kostana var tak­mark­að­ur,“ segir í til­kynn­ing­unni.