Ragn­ar Þór Ing­­ólfs­­son, for­maður VR, mun á næstu dög­um gefa út for­m­­lega van­­trausts­yf­­ir­lýs­ingu á hend­ur Gylfa Arn­­björns­­syni, for­­seta Alþýðu­sam­­bands Íslands (ASÍ), eft­ir að ASÍ neit­aði að taka niður aug­lýs­ingu um kaup­mátt­­ar­aukn­ingu.

Frá þessu eru greint í Morg­un­blað­inu í dag. 

Ragnar Þór sendi tölvu­­póst á fé­lags­­menn ASÍ í vik­unni þar sem hann óskaði eft­ir því að aug­lýs­ing á face­­book­síðu ASÍ yrði tek­in nið­ur, ann­­ars myndi hann ásamt öðrum for­­mönn­um aðil­ar­­fé­laga ASÍ lýsa yfir van­­trausti á for­­set­ann. 

Hann seg­ir að VR muni benda á það eft­ir helgi hvað kaup­mátt­­ar­­vísi­tal­an kem­ur rangt fram í mynd­­band­inu en ann­­ars er hann ósátt­ur við að skautað sé fram­hjá efna­hags­hrun­inu í tíma­línu ASÍ, að því er segir í Morg­un­blað­in­u. 

Harðn­andi átök eru nú innan verka­lýðs­hreyf­ing­ar­inn­ar. Tvö stærstu stétt­ar­fé­lög lands­ins, VR og Efl­ing, þar sem Sól­veig Anna Jóns­dóttir var nýlega kjörin for­mað­ur, hafa um margt gengið í takt í umræðu um kjara­mál, og hafa meðal ann­ars talað um að þörf sé á því að hlusta betur eftir þörfum fólks­ins á gólf­inu og ná fram raun­veru­legum kjara­bót­um.