Katrín Jak­obs­dóttir for­sæt­is­ráð­herra segir grund­vall­ar­spurn­ing­arnar varð­andi veiði­gjöldin snú­ast um það, hvort það eigi að færa álagn­ingu veiði­gjalda nær í tíma, þannig að gjöldin mið­ist við for­sendur sem séu fyr­ir­sjá­an­legri í rekstri sjáv­ar­út­vegs­fyr­ir­tækja. 

Þetta er haft eftir Katrínu í Frétta­blað­inu í dag. Í frum­varp­inu eru lögð til ný við­mið við útreikn­ing veiði­gjalda, sem lækka heild­ar­á­lagn­ingu á útgerð­ar­fyr­ir­tækin um á þriðja millj­arða króna.

Katrín segir enn­fremur að það sé óhjá­kvæmi­legt að þingi tak­ist á við veiði­gjöld­in, því ann­ars falli heim­ild til inn­heimtu nið­ur­. „Það eru grund­vall­ar­spurn­ing­ar ­sem við þurfum að svara á ein­hverj­u­m ­tíma­punkti á næst­unni á vett­vang­i ­stjórn­mál­anna. Það er hvort við erum sam­mála því að færa á­lagn­ing­una nær í tíma. Ég er sam­mála því. Hitt er hvort veiði­gjöld­in eigi að end­ur­spegla afkom­una. Ég hef alltaf verið þeirrar skoð­unar að veiði­gjöldin eigi að vera afkomu­tengd. En það hefur það óhjá­kvæmi­lega í för með sér að verri af­koma skilar lægri gjöld­um,“ seg­ir Katrín í við­tali við Frétta­blað­ið.

Í eld­hús­dags­um­ræðum á Alþingi í gær var rík­is­stjórnin harð­lega gagn­rýnd, og þá ekki síst frum­varpið um að lækka veiði­gjöld­in, en kom fram í atvinnu­vega­nefnd. Sagði Oddný Harð­ar­dótt­ir, þing­maður Sam­fylk­ing­ar­inn­ar, að rík­is­stjórnin væri sér­hags­muna­banda­lag sem nú ætl­aði sér að rétta útgerð­inni hjálp­ar­hönd.