Páli Magnússyni vikið úr fulltrúaráði Sjálfstæðisflokksins í Eyjum

Sjálfstæðismenn eru æfir út í Pál Magnússon, oddvita Sjálfstæðismanna í Suðurkjördæmi.

7DM_0539_raw_2166.JPG
Auglýsing

„Vegna for­­dæma­­lausr­ar fram­­göngu odd­vita Sjálf­­stæð­is­­flokks­ins í Suð­ur­­­kjör­­dæmi í nýliðnum sveit­­ar­­stjórn­­­ar­­kosn­­ing­um lýs­ir auka­að­al­fund­ur full­­trúa­ráðs Sjálf­­stæð­is­­fé­lag­anna í Vest­­manna­eyj­um fullu van­­trausti á 1. þing­­mann Suð­ur­­­kjör­­dæm­is, Pál Magn­ús­­son. Full­­trúa­ráðið get­ur ekki litið á þing­­mann­inn sem trún­að­ar­mann Sjálf­­stæð­is­­flokks­ins og ósk­ar eft­ir fundi með for­ystu flokks­ins vegna þeirr­ar al­var­­legu stöðu sem upp er kom­in.“

Þannig hljómar ályktun Sjálf­stæð­is­fé­lags­ins í Vest­manna­eyjum frá því í gær­kvöld, en þar var van­trausti lýst á Pál Magn­ús­son. Mikil reiði er í röðum Sjálf­stæð­is­manna í Eyjum vegna sveit­ar­stjórn­ar­kosn­ing­anna í vor, en Páll studdi ekki opin­ber­lega fram­boð Sjálf­stæð­is­flokks­ins í Eyj­u­m. 

Klofn­ings­fram­boð úr Sjálf­stæð­is­flokkn­um, Fyrir Heima­ey, vann mik­inn sigur í kosn­ing­unum og mynd­aði meiri­hluta í bæj­ar­stjórn með Eyja­list­an­um. Sjálf­stæð­is­flokk­ur­inn fór þar með í minni­hluta.

Auglýsing

Jarl Sig­ur­geirs­son, for­maður full­trúa­ráðs­ins, segir í við­tali við mbl.is að fund­ur­inn hafi verið hald­inn til að taka til í ráð­in­u. „Við kjós­­um í full­­trúa­ráðið en hann var ekki á þeim lista sem var nú bor­inn upp til at­­kvæða. Það sam­þykktu all­ir fund­­ar­­menn að hafa hann ekki á list­an­­um. Ég held að þetta sé í fyrsta skipti í sög­unni sem þing­maður úr heima­bæn­um er ekki í full­­trúa­ráði, enda er þetta ef­­laust í eina skipti í sögu stjórn­­­mála sem odd­viti flokks­ins styður ekki sinn flokk í sveit­­ar­­fé­lag­in­u,“ seg­ir Jarl.



Meira úr sama flokkiInnlent