Áætl­aður kostn­aður við hátíð­ar­þing­fund Alþingis á Þing­völlum á morgun og hátíð­ar­kvöld­verð þing­for­seta er 70 til 80 millj­ónir króna. Kostn­að­ur­inn gæti þannig farið allt að 78 pró­sent umfram áætl­un. Þetta kemur fram í Frétta­blað­inu í dag.

Í svari Stein­gríms J. Sig­fús­son­ar, for­seta Alþing­is, við fyr­ir­spurn Björns Leví Gunn­ars­sonar frá því í júní­lok kemur fram að kostn­aður í rekstr­ar­á­ætlun árs­ins vegna fund­ar­ins hafi verið um 45 millj­ón­ir. Þó væri ljóst að eftir því sem umfang við­burð­ar­ins hefði skýrst gæti kostn­aður orðið eitt­hvað meiri.

Fund­ur­inn verður sýndur í beinni útsend­ingu, settur hefur verið upp sér­stakur pallur fyrir neðan Lög­berg sem ætl­aður er þing­mönnum og boðs­gest­um.

Meðal boðs­gesta eru for­seti Íslands og þing­for­setar Norð­ur­landa og Eystra­salts­ríkja. For­seti Alþingis mun svo bjóða þing­mönnum og gestum til hátíð­ar­kvöld­verð­ar.

Fund­ur­inn sem hefst klukkan 14 á morgun á Þing­völlum er liður í hátíð­ar­höldum í til­efni af 100 ára full­veld­is­af­mæli Íslands. Þar stendur til að sam­þykkja þings­á­lykt­un­ar­til­lögur um stofnun Barna­menn­ing­ar­sjóðs, bygg­ingu nýs haf­rann­sókna­skips og útgáfu rit­verka um Þing­velli í íslenskri mynd­list og bók­mennta­sögu frá land­námi til 21. ald­ar.

Á morgun verða 100 ár liðin frá und­ir­ritun samn­inga um sam­bands­lög­in. Lögin tóku gildi 1. des­em­ber 1918 eftir þjóð­ar­at­kvæða­greiðslu um haust­ið.