Don­ald Trump Banda­ríkja­for­seti hefur í dag haldið áfram gagn­rýni sinni á mót­or­hjóla­fram­leið­and­ann Harley Dav­id­son og notar til þess Twitt­er, eins og oft áður. 

Ákvörðun Harley Dav­id­son um að færa hluta af fram­leiðslu mót­or­hjól­ana úr landi, vegna auk­ins kostn­aðar sem rekja má til tolla sem Trump fyr­ir­skip­aði að yrðu lagðir á inn­flutn­ing á áli og stáli, einkum frá Kína, fór illa í Trump. 

Á Twitter aðgangi sínum sagði Trump að hann teldi það „frá­bært“ að margir þeirra sem ættu Harley Dav­id­son ætl­uðu sér að snið­ganga fyr­ir­tækið ef það gerði alvöru úr því að flytja hluta fram­leiðsl­unnar úr landi.

Harley Dav­id­son var stofnað í Milwaukee, Wiscons­in, árið 1903 og er félagið því 115 ára gam­alt. Það hefur lengi verið talið meðal virð­ug­leg­ustu vöru­merkja Banda­ríkj­anna, þrátt fyrir að oft hafi rekstur fyr­ir­tæk­is­ins hangið á blá­þræði á ævi­skeiði sín­u. 

Árásir Trumps á fyr­ir­tækið fóru illa í mark­að­inn, en mark­aðsvirði félags­ins lækk­aði strax í kjöl­farið á því að hann beindi spjót­unum að fyr­ir­tæk­inu. Í dag lækk­aði félagið um 4,32 pró­sent en verð­mið­inn á félag­inu er nú tæp­lega 7 millj­arðar Banda­ríkja­dala.