Úrskurður gerð­ar­dóms mikil von­brigði

LMFÍ fagnar því að gerð­ar­dóm­ur, sem skip­aður var af rík­is­sátta­semj­ara til þess að fjalla um launa­setn­ingu ljós­mæðra, hafi skilað nið­ur­stöðu. Hins vegar veldur nið­ur­staðan félag­inu miklum von­brigð­um. Úrskurður gerð­ar­dóms felur ekki í sér nýtt mat á verð­mæti starfs ljós­mæðra, eins og vænt­ingar voru um.

Gerð­ar­dómi var ætlað að meta og verð­leggja störf ljós­mæðra með til­liti til mennt­un­ar, ábyrgð­ar, álags og inn­taks starfs. Líkt og tekið er fram í grein­ar­gerð með úrskurð­inum eru tíma­lengd náms ljós­mæðra sam­bæri­legt við nám lækna og tann­lækna. Hér er um að ræða fag­fólk sem á það sam­eig­in­legt að sinna sjálf­stæðri grein­ingu og með­ferð og bera mikla fag­lega ábyrgð.

Í grein­ar­gerð­inni kemur vel fram hve laun ljós­mæðra hafa dreg­ist mikið aftur úr miðað við laun ann­arra hópa und­an­far­inn ára­tug. Óhætt er að full­yrða að launa­leið­rétt­ing sem ljós­mæður fengu árið 2008 er nán­ast að engu orðin nú tíu árum síð­ar. Í kjara­samn­ingi LMFÍ og rík­is­ins, sem und­ir­rit­aður var í júlí sl., er ljós­mæðrum tryggð ákveðin hækkun grunn­launa en engu að síður vantar tölu­vert upp á að launa­leið­rétt­ing nú geri ljós­mæður jafn­settar launa­lega og þær voru 2008. LMFÍ harmar að gerð­ar­dómur skuli ekki hafa lagt sitt af mörkum til að leið­rétta þessa stöðu.

LMFÍ átti von á afdrátt­ar­lausri nið­ur­stöðu sem væri til þess fallin að skera úr um ágrein­ing milli ljós­mæðra og rík­is­ins hvað varðar verð­mæti starfs­ins og kjara­mál stétt­ar­inn­ar. Í stað þess felur sam­an­tekt gerð­ar­dóms í sér ýmsar til­lögur og ábend­ingar um atriði eins og vinnu­tíma, starfs­þróun og þátt­töku í til­rauna­verk­efn­um. LMFÍ bendir á að þessi atriði hafa verið til umræðu á samn­ings­tím­anum án árang­urs. Þá telur LMFÍ að gerð­ar­dómur sé að varpa ábyrgð sinni yfir á aðra þegar hann bendir á að lík­legt sé að jafn­launa­vottun og starfs­mat komi til með að form­festa kröfur sem gerðar eru til ljós­mæðra.

Félagið fagnar því að ljós­mæðra­nemar fái nú greitt fyrir starfs­nám sitt en það telst þó ekki kjara­bót fyrir starf­andi ljós­mæður þar sem ljós­mæðra­nemar eru ekki félags­menn í LMFÍ og vekur því nokkra furðu að gerð­ar­dómur hafi tekið afstöðu til þess nú.