Spölur stefnir að því að afhenda Vega­gerð­inni Hval­fjarð­ar­göng til eignar og rekstrar sunnu­dag­inn 30. sept­em­ber næst­kom­andi. Inn­heimtu veggjalds yrði þá hætt föstu­dag­inn 28. sept­em­ber. Þetta kemur fram í til­kynn­ingu frá fyr­ir­tæk­inu.

Stjórn Spalar hefur til­kynnt hlut­höfum félags­ins þessa ákvörðun sína en tekur jafn­framt fram að tíma­setn­ingin sé kynnt að þeim for­sendum gefnum að Rík­is­skatt­stjóri fall­ist á til­tekna með­ferð á skatta­legri afskrift gang­anna og í öðru lagi að Sam­göngu­stofa skili fyr­ir­vara­lausri úttekt á göng­unum í aðdrag­anda eig­enda­skipt­anna.

Sam­kvæmt til­kynn­ing­unni greindi sam­göngu- og sveit­ar­stjórn­ar­ráðu­neytið stjórn Spalar þann 7. maí síð­ast­lið­inn frá því að ríkið myndi ekki yfir­taka félögin sem eiga og reka göng­in, líkt og rætt hafði verið um áður í sam­skiptum Spalar við fjár­mála­ráðu­neyt­ið, fyrst á árinu 2009. Slík útfærsla á afhend­ingu gang­anna hefði meðal ann­ars áhrif á reikn­ings­halds­legar afskriftir mann­virk­is­ins.

Mun gera upp við við­skipta­vini sína

Jafn­framt kemur fram í til­kynn­ing­unni að í júní síð­ast­liðnum hafi stjórn Spalar leitað álits Rík­is­skatt­stjóra á hvernig fara skyldi með skatta­lega afskrift gang­anna og hugs­an­lega skatt­lagn­ingu Spalar á árinu 2018. Svar hafi ekki borist við erind­inu en þess sé vænst að við­un­andi botn fáist í málið í tæka tíð svo unnt sé að afhenda göngin í lok sept­em­ber.

Spölur mun á næstu mán­uðum gera upp við við­skipta­vini sína. Fyr­ir­tækið mun taka við veglyklum gegn 3.000 króna skila­gjaldi, taka við og end­ur­greiða ónot­aða afslátt­ar­miða og greiða út inn­eignir á áskrift­ar­reikn­ingum not­enda veglykla.

Frestur til 30. nóv­em­ber að skila veglyklum

Sam­kvæmt fyr­ir­tæk­inu hafa við­skipta­vinir frest til 30. nóv­em­ber næst­kom­andi til að skila veglyklum og afslátt­ar­mið­um.

„Í ljósi þess að upp­gjörs­málin skipta tugum þús­unda áskilur Spölur sér lengri frest en 30 daga til að afgreiða þau öll. Starfs­fólk á skrif­stofu félags­ins vinnur að upp­gjöri og frá­gangi til loka árs­ins og sumir fram á nýtt ár.

Spölur sendir ekki lengur út reikn­inga til við­skipta­vina sinna vegna áskrift­ar­ferða. Þeir sem hafa nýtt alla inn­eignir sínar á áskrift­ar­reikn­ingum fá reikn­ing í októ­ber fyrir ferðum sínum í sept­em­ber,“ segir í til­kynn­ing­unn­i.