Hættan á að hver ein­stak­lingur á Íslandi grein­ist með krabba­mein er hætt að aukast og virð­ist raunar farin að minnka. Þetta segir Laufey Tryggva­dóttir fram­kvæmda­stjóra Krabba­meins­skrár í sam­tali við Morg­un­blaðið. 

Segir í frétt­inni að þakka megi minnk­andi reyk­ing­um, holl­ara matar­æði og skimun fyrir for­stigum leg­hálskrabba­meins. Árlega grein­ast hér um 1.600 ein­stak­lingar með krabba­mein og hefur verið stöðug fjölgun frá upp­hafi krabba­meins­skrán­ingar árið 1954.

„Horfur krabba­meins­sjúk­linga hafa batnað mjög mikið með tím­an­um. Nú eru á lífi yfir 15.000 manns sem hafa greinst með krabba­mein, þar af stór hópur sem er lækn­að­ur,“ sagði Laufey við Morg­un­blað­ið. Því er spáð að árið 2030 verði fjöldi krabba­meinstil­fella sem grein­ast árlega kom­inn yfir 2.000.

Skýr­ingin fyrir þessu ,sem gefin er, er sú að Íslend­ingum fjölgar og að þjóðin er að eld­ast. Nýgengi krabba­meina eykst með aldr­in­um. Dán­ar­tíðni af völdum krabba­meina fer lækk­andi hér á landi eins og víð­ast hvar í Evr­ópu. „Þar vega lík­lega þyngst stór­stígar fram­farir í með­ferð sjúk­linga, minni reyk­inga og skimun fyrir brjóst- og leg­hálskrabba­mein­i,“ segir í frétt­inn­i.