Læknar deila við Svandísi

Svandís Svavarsdóttir heilbrigðisráðherra hefur sent yfirlýsingu frá ráðuneytinu þar sem hún sér sig knúna til að leiðrétta fullyrðingar í grein þriggja lækna sem halda því fram að ráðherra ætli sér að færa þjónustu sérgreinalækna inn á göngudeildir.

Svandís Svavarsdóttir
Auglýsing

Svan­dís Svav­ars­dóttir heil­brigð­is­ráð­herra hefur sent yfir­lýs­ingu frá ráðu­neyt­inu þar sem hún sér sig knúna til að leið­rétta full­yrð­ingar í grein þriggja lækna sem birt­ist í Morg­un­blað­inu í dag þar sem þeir meðal ann­ars halda því fram að ráð­herra ætli sér að færa þjón­ustu sér­greina­lækna að miklu leyti eða alfarið inn á göngu­deildir sjúkra­húsa.

Í grein­inni, sem ber nafnið „Það sem ekki er sag­t“, segja lækn­arn­ir, Högni Ósk­ars­son, geð­læknir og stjórn­enda­þjálf­ari, Sig­urður Árna­son, lyf­lækn­ir, heilsu­gæslu­læknir og krabba­meins­lækn­ir, og Sig­urður Guð­munds­son, læknir við Land­spít­ala og pró­fessor við lækna­deild Háskóla Íslands, segja hug­mynd ráð­herr­ans, sem sé rót­tæk, þá að færa einn hinna stóru þátta, „mögu­lega þann skil­virkasta, þ.e. þjón­ustu sjálf­stætt starf­andi sér­fræð­inga“, inn á göngu­deild­irnar eða heilsu­gæsl­una.

Lækn­arnir þrír segja þessa hugsun ein­ungis byggða á póli­tískri kreddu, göngu­deild­irnar hafi hvorki húsa­kost né mann­skap til að taka við þó ekki væri nema broti af þjón­ustu sjálf­stætt starf­andi sér­fræð­inga. Um sé að ræða mjög sér­hæfða lækn­is­þjón­ustu sem heilsu­gæslan að jafn­aði fáist ekki við og geti ekki feng­ist við um fyr­ir­sjá­an­lega fram­tíð enda hafi hún ekki sér­hæft starfs­lið til að sinna slíkri vinnu. „Það stefnir því í versta kost­inn; að kostn­aður sér­fræði­þjón­ust­unnar flytj­ist frá sjúkra­trygg­ingum yfir á sjúk­linga. Og enn einu sinni bitnar þetta á ein­stak­lingum og fjöl­skyldum sem minnstar hafa tekj­urn­ar. Sjúk­lingar vilja það ekki, læknar vilja það ekki, þjóðin vill það ekki. Væri því ekki ráð að anda djúpt og stunda samn­inga­við­ræður sem tryggja að heil­brigð­is­þjón­ust­unni í land­inu sé ekki stefnt í voða um ára­mót. Heil­brigð­is­ráð­herra, vakn­aðu strax. Ann­ars fellur þú á tíma,“ segja lækn­arn­ir.

Auglýsing

Úr Morgunblaðinu.

Í svari sínu segir ráðu­neytið að orðið hafi veru­leg aukn­ing á stofu­rekstri sjálf­stætt starf­andi sér­greina­lækna síð­ustu ár og starf­semi þeirra færst að sama skapi út af Land­spít­al­an­um. Þessi þróun hafi átt sér stað, án til­lit til þess hvort um sé að ræða sér­greinar sem eðlis síns vegna ættu frekar að vera innan sjúkra­húss­ins eða ekki. Þá hafi Rík­is­end­ur­skoðun bent á hvernig fjár­munir hafa á liðnum ára­tug færst frá opin­beru heil­brigð­is­þjón­ust­unni inn í einka­rekna hluta heil­brigð­is­kerf­is­ins.

„Svan­dís Svav­ars­dóttir heil­brigð­is­ráð­herra hefur lýst þeirri stefnu ítrekað að hún hygg­ist styrkja opin­bera heil­brigð­is­kerfið og vinna að þeirri stefnu sem bygg­ist á almennri sátt í sam­fé­lag­inu og felst meðal ann­ars í því að efla heilsu­gæsl­una til muna með þver­fag­legri mönnun heil­brigð­is­stétta og vinna að því að jafna aðgengi lands­manna að heil­brigð­is­þjón­ustu, óháð efna­hag og búsetu. Það hefur hins vegar komið skýrt fram af hálfu ráð­herra að það sé alls ekki stefna eða mark­mið að fyr­ir­byggja starf­semi sjálf­stætt starf­andi heil­brigð­is­starfs­fólks á stofum með greiðslu­þátt­töku hins opin­ber­a.“

Haft er eftir Svandísi að það sem máli skipti og hafi marg­sinnis verið bent á, bæði af hálfu erlendra ráð­gjafa­fyr­ir­tækja, Rík­is­end­ur­skoð­unar og ann­arra, er að ríkið axli ábyrgð sína sem kaup­andi þjón­ustu fyrir almanna­fé. „Fjár­munir til heil­brigð­is­þjón­ustu eru ekki ótak­mark­að­ir, ekki fremur en til ann­arra verk­efna. Þess vegna þarf að skil­greina hvaða þjón­ustu vantar og í hvaða mæli og sjá til þess að þeir sem á þjón­ust­unni þurfa að halda geti fengið hana. Það er óvenju­legt við rekstur íslenska heil­brigð­is­kerf­is­ins að ekki skuli vera fyrir hendi þjón­ustu­stýr­ing varð­andi starf­semi sér­greina­lækna og á það hefur verði bent marg­sinn­is. Þessu þarf að breyta. Það er hins vegar alröng full­yrð­ing sem fram kemur í grein lækn­anna þriggja, þeirra Högna Ósk­ars­son­ar, Sig­urðar Árna­sonar og Sig­urðar Guð­munds­son­ar, að ég ætli að færa þjón­ustu sjálf­stætt starf­andi sér­greina­lækna „að miklu leyti eða alfarið inn á göngu­deildar sjúkra­hús­anna“ og mér finnst það áhyggju­efni að rang­færslur sem þessar séu ítrekað settar fram í umræð­unn­i,“ segir Svan­dís.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Hæfur til að meta hæfni þar til annað kemur í ljós
Eiríkur Tómasson, formaður dómnefndar um hæfni dómara, telur sig hæfan samkvæmt stjórnsýslulögum til að meta hæfni umsækjenda um embætti við Landsrétt, en árið 2017 var hann umsagnaraðili eins þeirra sem nú sækist eftir embættinu.
Kjarninn 5. ágúst 2020
Allir ríkisstjórnarflokkarnir tapa fylgi milli mánaða
Píratar bæta verulega við sig milli mánaða í könnunum Gallup en Vinstri græn tapa umtalsverðu. Stuðningur við ríkisstjórnina heldur áfram að dala.
Kjarninn 5. ágúst 2020
Frá Beirút, þar sem gríðarlega öflug sprenging olli manntjóni og gríðarlegum skemmdum síðdegis í gær.
Rauði krossinn hefur neyðarsöfnun fyrir Beirút
Rauði krossinn á Íslandi hefur hafið neyðarsöfnun vegna sprenginganna sem urðu í Beirút höfuðborg Líbanons í gær. Forseti Íslands sendi forseta Líbanons samúðarkveðju sína og þjóðarinnar í dag.
Kjarninn 5. ágúst 2020
Ásta Logadóttir, Jóhann Björn Jóhannsson, Kristinn Alexandersson og Ólafur Hjálmarsson
Ísland í dag – Nærri tveimur áratugum síðar
Kjarninn 5. ágúst 2020
Áhyggjur og kvíði „eðlilegar tilfinningar við óeðlilegar aðstæður“
Á upplýsingafundi almannavarna í dag fór Agnes Árnadóttir, fagstjóri sálfræðiþjónustu heilsugæslunnar, yfir það hvað fólk gæti gert til að takast á við kvíða. Sóttvarnalæknir sagði kúrfuna í þessari bylgju vera svipaða þeirri síðustu.
Kjarninn 5. ágúst 2020
190 þúsund símtæki með smitrakningarappið virkt
Á upplýsingafundi almannavarna biðlaði Alma D. Möller landlæknir til Íslendinga um að halda áfram að nota smitrakningarappið Rakning C-19.
Kjarninn 5. ágúst 2020
Sólveig Anna Jónsdóttir, formaður Eflingar.
Krefur yfirvöld um betri upplýsingar um faraldurinn á erlendum tungum
„Við erum ekki öll almannavarnir ef upplýsingarnar ná ekki til okkar allra,“ segir Sólveig Anna Jónsdóttir í bréfi til forsætisráðherra, þar sem þess er krafist að bætt verði úr upplýsingamiðlun um faraldurinn til aðfluttra íbúa á Íslandi.
Kjarninn 5. ágúst 2020
Greiðslumiðlunarfyrirtækið Borgun var nýlega selt til erlendra eigenda. Ábyrgð á mögulegum blekkingum fortíðar situr eftir hjá fyrri eigendum.
Íslandsbanki mun áfram bera ábyrgð á fjártjóni í Borgunarmálinu
Þrátt fyrir að Íslandsbanki hafi selt hlut sinn í Borgun í síðasta mánuði mun bankinn áfram bera ábyrgð á að greiða hinum ríkisbankanum, Landsbankanum, bætur ef Borgunarmálið tapast. Matsmenn í málinu telja að upplýsingar hafi vantað í ársreikning.
Kjarninn 5. ágúst 2020
Meira úr sama flokkiInnlent