Lands­bank­inn hagn­að­ist um 15,4 millj­arða króna á fyrstu 9 mán­uðum árs­ins, en útlána­aukn­ing nam 112,4 millj­örðum króna, sem er um 12,1 pró­sent aukn­ing milli ára. Það er aukn­ing sem er umtals­vert umfram hag­vöxt, en spár gera ráð fyrir 3 til 4 pró­sent hag­vexti á þessu ári.

Íslenska ríkið er eig­andi bank­ans að mestu leyti, eða rúm­lega 98 pró­sent. Frá árinu 2013 hefur bank­inn greitt 131,7 millj­arða króna í arð.

Heild­ar­eignir Lands­bank­ans, sem að uppi­stöðu til eru útlán, juk­ust umtals­vert milli ára en þær nema nú 1.317 millj­örðum króna. Kostn­að­ar­hlut­fall bank­ans var á fyrr­nefndu tíma­bili 45 pró­sent. 

Eigið fé bank­ans er 235,9 millj­arðar og eig­in­fjár­hlut­fallið 24,8 pró­sent. Lág­marks­eig­in­fjár­hlut­fall Fjár­mála­eft­ir­lits­ins er 20,5 pró­sent. 

Inn­lán hjá Lands­bank­anum hafa á þessu ári auk­ist um meira en 14,5 pró­sent, eða sem nemur um 87,5 millj­örðum króna. 

Lilja Björk Ein­ars­dótt­ir, banka­stjóri Lands­bank­ans, fagnar rekstr­ar­nið­ur­stöð­unni, í til­kynn­ingu. „Á árinu hafa bæði útlán og inn­lán hjá bank­anum auk­ist umtals­vert og í ágúst síð­ast­liðnum styrkt­ist fjár­mögnun bank­ans enn frekar með útgáfu fyrsta víkj­andi skulda­bréfs­ins. Þessi útgáfa er mik­il­væg varða á leið bank­ans að yfir­lýstu 10% arð­sem­is­mark­miði en jafn­framt skiptir miklu máli að árangur af rekstri verði áfram góð­ur. Kostn­að­ar­hlut­fall bank­ans á fyrstu níu mán­uðum árs­ins er 45% og í krónum talið er kostn­aður áþekkur því sem hann var á sama tíma­bili árið 2017. Við munum áfram vinna að því að auka skil­virkni í rekstri og nýta öll tæki­færi til að draga úr kostn­að­i. Það sem af er ári og sér í lagi á þriðja árs­fjórð­ungi hefur staða á verð­bréfa­mörk­uðum verið erfið en fyrir því eru ýmsar ástæð­ur. Lands­bank­inn er við­skipta­vaki fyrir fjöl­mörg íslensk fyr­ir­tæki og stuðlar þannig að eðli­legri verð­myndum og selj­an­leika á mörk­uðum fyrir íslenska fjár­festa, hvernig sem árar. Á heild­ina litið er Lands­bank­inn í sterkri stöðu, með gott eigið fé, vel fjár­magn­aður og vel í stakk búinn til að takast á við breyt­ingar í umhverf­in­u,“ segir Lilja Björk. 

Rekstr­ar­tekjur Lands­bank­ans á fyrstu níu mán­uðum árs­ins 2018 námu 41,1 millj­arði króna sam­an­borið við 41,6 millj­arða króna á sama tíma­bili árið áður. Aðrar rekstr­ar­tekjur námu 3,8 millj­örðum króna sam­an­borið við 5,9 millj­arða króna á sama tíma­bili árið áður, sem er 36% lækk­un. Óhag­stæðar aðstæður á verð­bréfa­mörk­uðum eru helsta skýr­ing lækk­un­ar­inn­ar, segir í til­kynn­ingu.