Fram­leiðni á Íslandi var aukin um þriðj­ung með einu penna­striki þegar Hag­stofa Íslands breytti útreikn­ingum sínum um fjölda vinnu­stunda fyrr á þessu ári. Eftir þessa „smá­vægi­legu“ breyt­ingu á fram­setn­ingu þá hefur fram­leiðni íslenskra starfs­manna auk­ist til muna, á papp­ír­un­um. 

Frá þessu var greint í fréttum Stöðvar 2 í kvöld.

„Ís­land er í flokki þeirra ríkja heims sem vinna fæstar vinnu­stundir ólíkt því sem áður var talið og fram­leiðni hér er ein sú hæsta meðal ríkja Efna­hags- og fram­fara­stofn­un­ar­inn­ar, OECD.  Ís­land er ekki í nýjum tölum OECD um vinnu­stund­ir  því Hag­stofa Íslands birti fyrr á þessu ári nýtt mat á útreikn­ingum vinnu­stunda og á OECD eftir að taka til­lit til þess,“ sagði meðal ann­ars í frétt Stöðvar 2.

Í mati Hag­stof­unnar kemur fram að fjöldi vinnu­stunda á Íslandi sé 16-22 pró­sent lægri en áður var talið. Það skýrist meðal ann­ars af því að ein­stak­lingar hafi gefið upp of margar vinnu­stundir í úrtakskönnun vinnu­mark­aðs­rann­sókn­ar. Í því sam­bandi hafi verið bent á að hefð­bundin 40 stunda vinnu­vika sé í raun styttri vegna kjara­samn­ings­bund­inna rétt­inda. Þannig hafi menn tekið mat­ar­tíma og hlé inn í fjölda vinnu­stunda, sagði meðal ann­ars í frétt Stöðvar 2.

„Frá því að vera undir með­al­tali í alþjóð­legum sam­an­burði þá er Ísland 20 pró­sent yfir með­al­tal­inu og orðið sam­bæri­legt við Sví­þjóð, hærra en Finn­land og meðal efstu þjóða hvað fram­leiðni varð­ar,“ segir Hannes G. Sig­urðs­son, aðstoð­ar­fram­kvæmda­stjóri Sam­taka atvinnu­lífs­ins, í við­tali við Stöð 2.