Air­port Associ­ates, þjón­ustu­fyr­ir­tæki á Kefla­vík­ur­flug­velli, sagði í dag upp 237 starfs­mönn­um, en ástæðan er sú óvissa sem uppi er um starf­semi WOW air eftir að fallið var frá kaupum Icelandair á félag­inu.

Víku­fréttir greindu fyrst frá mál­inu í dag. „Við hörmum að þurfa að grípa til svo rót­tækra aðgerða og von­umst til að geta aft­ur­kallað þessar upp­sagnir svo fljótt sem kostur er, þegar flug­á­ætlun skýrist,“ sagði Sig­þór K. Skúla­son, for­stjóri Air­port Associ­ates. 

Hann segir að það væri óábyrgt að grípa ekki strax til var­úð­ar­ráð­staf­ana. 

Í sam­tali við RÚV í kvöld sagði Kjartan Már Kjart­ans­son, bæj­ar­stjóri Reykja­nes­bæj­ar, að upp­sögnin væri mikið áfall. „Það eru að koma jól og þetta er við­kvæmur tími en það er aldrei góður tími til að fá svona frétt­ir,“ segir Kjart­an.

Upp­sögnin er sú stærsta frá því varnl­ar­liðið fór frá Íslandi árið 2006, en þá hurfu mörg hund­ruð þjón­ustu­störf sem fólk á Suð­ur­nesjum sinnt­i. 

Með miklum vexti í ferða­þjón­ust­unni hefur störfum fjölgað mikið á Kefla­vík­ur­flug­velli, og hefur Air­port Associ­ates fjölgað starfs­fólki jafnt og þétt til að sinna vax­andi umsvifum flug­fé­laga, þar á meðal WOW air.