„Yf­ir­lýs­ingar þing­manna Mið­flokks­ins eru óaf­sak­an­leg­ar. Trún­að­ar­brestur hefur átt sér stað milli þeirra, þings og þjóð­ar. Það orð­færi og sleggju­dómar sem orðið hafa til­efni frétta­skrifa í dag lýsa van­mætti, ótta og úreltum við­horf­um.“

Þetta segir Lilja Dögg Alfreðs­dótt­ir, mennta- og men­ing­ar­mála­ráð­herra og vara­for­maður Fram­sókn­ar­flokks­ins, á Face­book síðu sinni. 

Vísar hún þar ummæla sem þing­menn Mið­flokks­ins létu falla í sam­tölum sín á milli á barnum Klaust­ur, 20. nóv­em­ber síð­ast­lið­inn. Upp­tökur af sam­töl­unum fóru til DV og Stund­ar­innar, sem hafa sagt fréttir af því hvað þeir rædd­u. 

Þar á meðal er niðr­andi tal um stjórn­mála­kon­ur, og er Lilja Dögg Alfreðs­dóttir þar á með­al. Er hún meðal ann­ars kölluð „tík“.

Þing­menn Mið­flokks­ins, Berg­þór Óla­son og Gunnar Bragi Sveins­son, hafa beðist afsök­unar á orðum sem þeir létu falla. Gunnar Bragi sagði í við­tali við Kast­ljósið að hegðun hans hefði ein­fald­lega verið óaf­sak­an­leg, og sagð­ist hann hafa eytt deg­inum í að biðja fólk afsök­un­ar.

Þeir þing­menn sem ræddu málin voru Berg­þór Óla­son, Gunnar Bragi Sveins­son, Sig­mundur Davíð Gunn­laugs­son og Anna Kol­brún Árna­dótt­ir, Mið­flokki, og Ólafur Ísleifs­son og Karl Gauti Hjalta­son, Flokki fólks­ins.

Stjórn Flokks fólks­ins hefur þegar ályktað á þann veg, að Ólafur og Karl Gauti eigi að segja af sér þing­mennsku. 

Í við­tali við Gunnar Braga í kvöld, sem birt var í Kast­ljósi RÚV, sagði hann enga ástæðu til að segja af sér, enda hefði ekk­ert brot átt sér stað.