Lilja Alfreðs­dótt­ir, mennta- og menn­ing­ar­mála­ráð­herra, seg­ist hafa verið „of­boðs­lega“ ósátt við það tal þing­manna, sem gert var opin­bert með upp­tök­unum frá Klaustur bar 20. nóv­em­ber síð­ast­lið­inn. „Þetta er algjört ofbeld­i,“ segir Lilja í við­tali við Einar Þor­steins­son, frétta­mann RÚV og Kast­ljóss, en hluti af við­tali, sem birt verður í Kast­ljósi í kvöld, hefur verið birtur á vef RÚV.

Hún seg­ist hafa bognað þegar allra gróf­ustu ummæl­in, um hana sjálfa, komu fram. „Ég svaf ekk­ert aðfar­arnótt þriðju­dags,“ segir Lilja, og segir rík­is­stjórn­ar­fund, sem fram fór á þriðju­dags­morg­un, hafa verið erf­ið­an. 

Þing­menn­irnir sex sem ræddu saman á fund­inum á Klaustur bar, 20. nóv­em­ber, voru Sig­mundur Davíð Gunn­laugs­son, for­maður Mið­flokks­ins, Berg­þór Óla­son, Gunnar Bragi Sveins­son og Anna Kol­brún Árna­dótt­ir, allt þing­menn Mið­flokks­ins, og Karl Gauti Hjalta­son og Ólafur Ísleifs­son. Þeir tveir síð­ast­nefndu hafa verið reknir úr Flokki fólks­ins, og Berg­þór og Gunnar Bragi eru farnir í leyfi. Eng­inn þing­manna hefur sagt af sér, og eng­inn hefur það í hyggju. 

Lilja var í sam­ræð­unum meðal ann­ars kölluð „hel­vítis tík“ af Gunn­ari Braga Sveins­syni, og fleiri niðr­andi orð féllu um hana. 

Hún hefur sagt að trún­að­ar­brestur hafi átt sér stað á milli þing­mann­anna, þjóð­ar­innar og þings­ins.