Í kjöl­far úrskurðar Kæru­nefndar jafn­rétt­is­mála þann 19. sept­em­ber 2018 hafa 240 læknar sent Svandísi Svav­ars­dóttur heil­brigð­is­ráð­herra und­ir­skrifta­lista með athuga­semdum vegna vinnu­lags við ráðn­inga­ferla sér­fræði­lækna á Land­spít­ala.

Þetta kemur fram á vef Lækna­fé­lags Íslands. 

Bréf lækn­anna er sent, í til­efni af kæru og úrskurði, sem varð­aði ráðn­ingu í starf sér­fræði­læknis á Land­spít­al­an­um. Í úrskurð­inum segir meðal ann­ars orð­rétt: ,,Eins og að framan greinir stendur kær­andi mun framar þeim er ráð­inn var hvað varðar alla þá þætti er áskildir voru í aug­lýs­ingu og fyrir liggur að sá er ráð­inn var upp­fyllti ekki öll skil­yrði aug­lýs­ingar er umsókn­ar­frestur rann út.”

Bréfið sem birt hefur verið á vef Lækna­fé­lags, fer hér í heild sinni:

„Við und­ir­rituð viljum vekja athygli ráð­herra á vinnu­lagi við ráðn­ing­ar­ferla þegar ráðnir eru sér­fræð­ingar til starfa við stærstu heil­brigð­is­stofnun lands­ins og jafn­framt háskóla­sjúkra­húss.

Til­efni þess­ara skrifa er úrskurður Kæru­nefndar jafn­rétt­is­mála, nr. 6 / 2018 vegna ráðn­ing­ar­ferlis þegar Land­spít­al­inn aug­lýsti stöðu sér­fræð­ings í melt­ing­ar­lækn­ing­um. Tvær umsóknir bár­ust og fengu umfjöllun stöðu­nefndar lækna­ráðs Land­spít­ala. Það var tölu­verður munur á starfs­reynslu meðal umsækj­enda sem sér­fræð­ingar í lyf – og melt­ing­ar­lækn­ing­um, starfs­reynslu við stjórn­un, kennslu og á fræði­legu starfi. Svo vitnað sé beint í úrskurð kæru­nefnd­ar: ,,Eins og að framan greinir stendur kær­andi mun framar þeim er ráð­inn var hvað varðar alla þá þætti er áskildir voru í aug­lýs­ingu og fyrir liggur að sá er ráð­inn var upp­fyllti ekki öll skil­yrði aug­lýs­ingar er umsókn­ar­frestur rann út.”

Það er óásætt­an­legt að sér­fræði­læknar geti ekki vænst þess að umsóknir þeirra fái fag­lega umfjöllun óháðra aðila við ráðn­ingar að Land­spít­ala háskóla­sjúkra­húsi. Þetta er ekki í fyrsta sinn sem sér­fræði­læknar hafa rekið sig á svip­aðar nið­ur­stöð­ur, þó ekki hafi komið til kæru. Úrskurður þessi hefur veru­lega skað­leg áhrif á ímynd Land­spít­ala sem háskóla­sjúkra­húss og mun hafa áhrif á áhuga lækna til að sækja um störf hér á landi. Við krefj­umst úrbóta nú þeg­ar.

Afrit af und­ir­skrift­ar­list­anum voru jafn­framt send for­stjóra Land­spít­ala, lækna­ráði Land­spít­ala og stjórn Lækna­fé­lags Íslands.“