Viðar Freyr Guð­mund­son, for­maður Mið­flokks­fé­lags Reykja­vík­ur, hefur ákveðið að segja sig frá störfum fyrir Mið­flokk­inn þar sem hann hefur gegnt for­mennsku í stuttan tíma. 

Þetta kemur fram í stöðu­upp­færslu á Face­book-­síðu hans í dag en hann hefur sent bréf þess efnis til flokks­fé­laga sinna og hefur nú þegar til­kynnt þetta til stjórnar og trún­að­ar­manna félags­ins. 

„Ég hef ákveðið að segja mig frá störfum með Mið­flokknum eftir mikið hug­ar­stríð. Konfekt og laufa­brauð hjálp­uðu mér að kom­ast að þess­ari nið­ur­stöðu. Ástæður þessa eru langvar­andi óánægja með skipu­lags­leysi við stjórn flokks­ins og mál­efna­starf. Sem hefur krist­all­ast t.d. í eft­ir­málum við Klaust­urs­málið og hvernig tekið var á þeim. Það vantar skýr­ari ábyrgð­ar­keðjur og lýð­ræð­is­legri ferla í starfið til að hægt sé að taka á erf­iðum málum sem kunna að koma upp og eins til að reka hefð­bundið lýð­ræð­is­legt flokka­starf,“ segir Viðar Freyr. 

Hann seg­ist jafn­framt hafa tekið þátt í eða fylgst með hvernig ýmsir flokkar hagi starfi sínu og segir hann að því miður finn­ist honum vanta tölu­vert upp á að Mið­flokk­ur­inn sé á pari við suma aðra flokka þegar kemur að skipu­lagn­ingu á mál­efna­starfi flokks­ins sem heild. 

„Það var svo sem hægt að horfa fram hjá þessu til að byrja með þar sem flokk­ur­inn var nýr og varla sann­gjarnt að bera saman við flokka sem hafa starfað í nærri 100 ár. En ég sé ekki neina bót á þessu á sjón­deild­ar­hringn­um. Þannig að ég tel að minni orku sé betur varið að starfa utan flokka að sinn­i,“ segir hann. 

Viðar Freyr seg­ist óska flokks­mönnum alls hins besta og von­ist hann til að Mið­flokk­ur­inn nái sér á strik. „Jarð­veg­ur­inn fyrir þessum flokki er til stað­ar. Þykir leið­in­legt að þurfa að skilja við ykkur með þessum hætti. En ég held að í fyll­ingu tím­ans munum við öll sjá að það er fyrir bestu. Sér­stakar þakkir vil ég senda til félaga minna í Mið­flokks­fé­lagi Reykja­víkur og borg­ar­full­trúum okk­ar, sem öll hafa unnið frá­bært og óeig­in­gjarnt starf. Ég mun eflaust halda áfram að styðja þau með ýmsum hætti þar sem við eigum mál­efna­lega sam­leið, beint eða óbein­t.“