Nýi Herjólfur rafvæddur og undir kostnaðaráætlun

Nýja Vestmannaeyjaferjan mun hefja siglingar í lok mars en afhending hefur dregist meðal annars vegna breytinga á búnaði skipsins en einnig hafa orðið tafir hjá skipasmíðastöðinni.

Nýi Herjólfur síðasta sumar.
Nýi Herjólfur síðasta sumar.
Auglýsing

Ný Vest­manna­eyja­ferja, eða Nýi Herj­ólf­ur, mun kosta 4,4 millj­arða króna en það er undir kostn­að­ar­á­ætl­un. Upp­haf­lega var reiknað með að 4,8 millj­arðar færu í verk­efn­ið. 

Þetta kemur fram í svari Vega­gerð­ar­innar við fyr­ir­spurn Kjarn­ans. 

Ákveðið var að raf­væða ferj­una í febr­úar á síð­asta ári en það var eftir að smíði hófst. Sam­kvæmt Vega­gerð­inni er kostn­aður við raf­væð­ing­una um 800 millj­ónir króna en sá kostn­aður var ekki inn í áætl­un. Þannig hefði heild­ar­kostn­að­ur­inn orðið um 3,6 millj­arðar ef ekki hefði verið ráð­ist í raf­væð­ing­una og lík­lega lægri, segir í svar­in­u. 

Auglýsing

Ferjan verður tvinn­tengil-­ferja eða „plug-in-­ferja“. Hún mun ein­göngu geta siglt á raf­magni eða dísel eða sam­bland af hvoru tveggja. Gert er ráð fyrir að þegar hún siglir milli Land­eyja­hafnar og Vest­manna­eyjar verði hún ein­göngu knúin raf­magni.

Í svari Vega­gerð­ar­innar segir jafn­framt að ferjan sé umhverf­is­væn ferja og að dregið verði úr útblæstri sem svarar til 3000 bíla – sam­dráttur í kolefn­is­út­blæstri nemi yfir 2000 tonnum af olíu miðað við núver­andi ferju.

Hefur sigl­ingar 30. mars

Stefnt er að því að hefja reglu­legar sigl­ingar þann 30. mars næst­kom­andi. Þetta stað­festir Vega­gerð­in. Þangað til mun núver­andi Herj­ólfur sigla milli lands og Eyja.

Nýi Herj­ólfur er í smíðum hjá skipa­smíða­stöð­inni Crist S.A. í Gdansk í Pól­landi. Afhend­ing hefur dreg­ist meðal ann­ars vegna breyt­inga á bún­aði skips­ins en einnig hafa orðið tafir hjá skipa­smíða­stöð­inni.

Nýi Herjólfur - Vestmannaeyjaferjan Mynd: Vegagerðin

Sam­kvæmt Vega­gerð­inni er ekki ljóst hver nákvæmur afhend­ing­ar­tími verð­ur. Hvorki rekstr­ar­að­ilum né yfir­völdum hugn­ist vel að hefja rekstur á nýju og breyttu skipi um hávet­ur­inn og því sé þessi tími val­inn í lok mars. Tím­inn frá afhend­ingu og þar til rekstur hefst verði not­aður til próf­ana á sjó­lagi skips­ins og til þjálf­unar á áhöfn en bún­aður skips­ins sé tals­vert breyttur frá gamla Herj­ólfi. 

Nýi Herj­ólfur hefur búnað sem gerir kleift að knýja skipið alfarið með raf­orku og er það í fyrsta sinn sem slík tækni er tekin til notk­unar hér á landi. Með því móti er leit­ast við að leggja grunn að umhverf­is­vænum rekstri á nýju ferj­unni og sam­göngum við Vest­manna­eyj­ar.

Núver­andi Herj­ólfur mun sinna flutn­ingum með sama hætti og verið hefur þar til ný ferja verður tekin í notkun og mun Eim­skip reka ferj­una með óbreyttu sniði.

Í frétt Vega­gerð­ar­innar sem birt­ist í lok sept­em­ber á síð­asta ári segir að með nýjum Herj­ólfi sé reiknað með að frá­tafir í Land­eyja­höfn minnki til muna sem muni auð­velda Vest­mann­ey­ingum ferða­lög upp á land en ekki síður auka mögu­leika ferða­þjón­ust­unnar í Eyj­um. Vonir standi til þess að með nýja skip­inu leng­ist ferða­manna­tíma­bilið í kjöl­far þess að sigl­ingar í Land­eyja­höfn verði stöðugri. Það hafi sýnt sig að ferða­menn ferð­ist nær ein­göngu í gegnum Land­eyja­höfn á leið sinni til Vest­manna­eyja. 

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Meira úr sama flokkiInnlent