Skipu­lags­breyt­ing­ar hafa verið gerðar hjá Sýn hf., áður Voda­fo­ne, sem ætlað er að efla sölu og þjón­­ustu og styrkja rekst­ur fé­lags­ins til fram­tíðar lit­ið. Björn Víglunds­son, sem leitt hefur miðla Sýn­ar, og Ragn­heiður Hauks­dótt­ir, sem hefur leitt ein­stak­lings­svið Sýn­ar, hafa hætt störfum og heyra nú sviðin undir Stefán Sig­urðs­son, for­stjóra félags­ins.

Breyt­ing­­arn­ar eru sagðar liður í að ein­falda rekst­­ur­inn og stytta boð­leiðir inn­­an fyr­ir­tæk­is­ins. Tveir stjórn­­end­ur láta af störf­um í kjöl­far breyt­ing­anna.

Sam­kvæmt til­kynn­ingu félags­ins til kaup­hallar þá fel­ast skipu­lags­breyt­ing­­arn­ar í því að ein­stak­l­ings­­svið og fyr­ir­tækja­­svið verða rek­in sem tvö sjálf­­stæð svið und­ir sölu og þjón­ustu, sem heyra mun beint und­ir for­­stjóra. Ein­ing­ar Miðla munu einnig heyra beint und­ir for­­stjóra eft­ir þess­ar breyt­ing­­ar, en munu að öðru leyti ekki breyt­ast, sam­­kvæmt frétta­til­kynn­ingu.

Þor­varður Sveins­son sem leitt hefur fyr­ir­tækja­svið tekur við nýju hlut­verki rekstr­ar­stjóra. „Hann mun bera ábyrgð á rekstr­ar­málum þvert á fyr­ir­tækið með það mark­mið að ná fram ­auk­inni skil­virkni og hag­kvæmni í rekstri. Þessi breyt­ing end­ur­speglar rekstr­ar­á­hersl­ur ­fé­lags­ins og við­brögð við áskor­unum á fjar­skipta- og fjöl­miðla­mark­að­i,“ segir í til­kynn­ingu félags­ins. 

Elmar Hall­gríms Hall­gríms­son hefur verið ráð­inn stjórn­andi ein­stak­lings­sviðs, en þar fell­ur undir sala og þjón­usta til ein­stak­linga sem og mark­aðs­mál. 

„El­mar hefur und­an­farið sinnt ­sér­verk­efnum fyrir Hag­vang en var áður fram­kvæmda­stjóri sölu- og þjón­ustu­sviðs hjá 365 miðlum ehf. Elmar var um ára­bil lektor við Við­skipta­fræði­deild Háskóla Íslands og ann­ast nú m.a. kennslu við MBA nám og laga­deild skól­ans. Hann er einnig þjálf­ari hjá Dale Carneg­ie. El­mar er með LL.M gráðu frá Uni­versity of Penn­syl­vania og emb­ætt­is­próf í lög­fræði frá­ Há­skóla Íslands. Hann hefur lokið meist­ara­námi í fjár­málum fyr­ir­tækja og í við­skiptasið­fræð­i frá Háskóla Íslands, auk þess að hafa lokið prófi í verð­bréfa­svið­skiptum og hafa leyfi til að ­starfa sem hér­aðs­dóms­lög­mað­ur­. El­mar hefur víð­tæka reynslu af stjórn­ar­setu og var m.a. stjórn­ar­for­maður MBA náms og við­skipta­fræði­stofn­unar Háskóla Íslands,“ segir í til­kynn­ingu félags­ins. 

Óhætt er að segja að Sýn hafi gengið í gegnum öldu­dali að und­an­förnu. Í fyrra lækk­aði mark­aðsvirði félags­ins mest allra félaga í kaup­höll­inni, eða um rúm­lega 38 pró­sent. Þá hefur félagið sent frá sér afkomu­við­var­anir á und­an­förnum mán­uð­um, meðal ann­ars vegna minni tekna af aug­lýs­inga- og áskrift­ar­sölu fjöl­miðla­hluta félags­ins.

Gert er ráð fyr­ir að rekstr­­ar­hagn­aður þessa árs verði 3,9 til 4,4 millj­­arðar í stað 4,6 til 5 millj­­arðar sam­­kvæmt fyrri áætl­­un. Þá er frest­un á kostn­að­ar­sam­­legð upp á 200 millj­­ón­ir sem gert var ráð fyr­ir á næsta ári, en ljóst er að mun ekki koma til fyrr en árið 2020. Þá er veik­ing krón­unn­ar tal­in hafa 350 millj­­óna króna nei­­kvæð áhrif á kostnað fé­lags­ins á næsta ári, að því er sagði í til­kynn­ingu til kaup­hall­ar.