Stjórn Eim­skipa­fé­lags Íslands hefur ráðið Vil­helm Má Þor­steins­son í starf for­stjóra félags­ins. Hann hefur störf 24. jan­úar næst­kom­andi. Vil­helm hefur verið fram­kvæmda­stjóri fyr­ir­tækja og fjár­festa­sviðs Íslands­banka hf. und­an­farin ár.

Starf for­stjóra var aug­lýst í byrjun des­em­ber á síð­asta ári og naut Eim­skip ráð­gjafar Hag­vangs við ráðn­ing­una, segir í til­kynn­ing­u. 

Vil­helm hefur starfað hjá Íslands­banka og Glitni í tutt­ugu ár og sinnt þar fjöl­breyttum og krefj­andi verk­efn­um, lengst af sem stjórn­andi og setið í fram­kvæmda­stjórn bank­ans. Í störfum sínum hefur hann öðl­ast víð­tæka þekk­ingu og reynslu á fjár­mála­mörk­uðum og í fyr­ir­tækja­rekstri, sem mun nýt­ast vel í nýju starfi hjá Eim­skip, segir í til­kynn­ingu.

„Ég er þakk­látur fyrir það traust sem mér er sýnt til að leiða Eim­skip, sem er öfl­ugt fyr­ir­tæki í traustum rekstri. Þar bæt­ist ég í góðan hóp starfs­fólks og stjórn­enda sem hafa mikla reynslu af flutn­inga­starf­semi og ég hlakka til að starfa með. Ég hef átt frá­bær ár hjá Íslands­banka þar sem starf­semin hefur tekið stöð­ugum breyt­ingum í gegnum árin. Ég tek með mér mik­il­væga reynslu úr þeim störfum þegar ég sný mér nú að nýjum verk­efn­um, sem fela meðal ann­ars í sér að byggja upp starf­semi Eim­skips á þeim trausta grunni sem lagður hefur ver­ið,“ segir Vil­helm Már Þor­steins­son.

Bald­vin Þor­steins­son, for­maður stjórnar Eim­skips, fagnar ráðn­ing­unni og segir Vil­helm Má rétta mann­inn til að leiða saman fólk og ná árangri.

„Með ráðn­ingu Vil­helms fær Eim­skipa­fé­lagið öfl­ugan stjórn­anda sem hefur sýnt að hann kann að leiða saman fólk til að vinna sam­hent að settu marki og ná árangri. Eftir störf sín hjá Íslands­banka býr hann yfir inn­sýn og þekk­ingu á rekstri fyr­ir­tækja í síbreyti­legu og krefj­andi umhverfi ásamt því að búa yfir nauð­syn­legri fram­sýni til að leiða Eim­skip fram á veg­inn. Rétt er að taka fram við þetta til­efni að afar okkar Vil­helms voru bræður og feður okkar stofn­uðu saman útgerð­ar­fé­lagið Sam­herja ásamt föð­ur­bróður Vil­helms fyrir um 35 árum síð­an. Sem  ­kunn­ugt er skildu leiðir feðra okkar í við­skiptum fyrir 20 árum. Frá þeim tíma hafa ekki verið fjár­hags­leg­ir- eða við­skipta­legir hags­munir á milli okkar eða fjöl­skyldna okk­ar,“ segir Bald­vin.

Stærsti eig­andi Eim­skips er Sam­herji, en félagið á um fjórð­ungs­hlut í félag­inu, sem skráð er á aðal­l­ista kaup­hallar Íslands. Á und­an­förnum 12 mán­uðum hefur mark­aðsvirði félags­ins lækkað um 14 pró­sent, en í lok þriðja árs­fjórð­ungs í fyrra nam eigið fé félags­ins 242,5 millj­ónum evra, eða sem nemur um 33,4 millj­örðum króna.