Skuldabréfaeigendur WOW samþykkja breytingar á skilmálum

Stærsta fyrirstaðan fyrir því að Indigo Partners klári aðkomu sína að WOW air hefur verið rutt úr vegi. Skuldabréfaeigendur hafa samþykkt að breyta skilmálum.

WOW air - Auglýsing
Auglýsing

Skulda­bréfa­eig­endur WOW air hafa sam­þykkt að breyta skil­málum skulda­bréf­anna og liðkað þannig fyrir því að aðkoma Indigo Partners að rekstri WOW air geti átt sér stað. Frá þessu er greint á fjár­festa­síðu WOW air.

Í frétt­inni segir að nægi­legur fjöldi skulda­bréfa­eig­enda sem tóku þátt í 60 milljón dala útboði sem WOW air stóð fyrir í sept­em­ber hefði sam­þykkt breyt­ingar á skil­mál­um, en kosn­ingu á meðal þeirra lauk í gær. 

Á meðal þeirra sem keyptu í útboð­inu í fyrra­haust var félagið sjálft, stofn­and­inn og aðal­eig­and­inn Skúli Mog­en­sen og sjóðir á vegum banda­ríska sjóð­stýr­ing­ar­fyr­ir­tæk­is­ins Eaton Vance.

Til greina kom að annað hvort að breyta kröfum skulda­bréfa­eig­end­anna í hlutafé áður en að Indigo Partners myndi ráð­ast í sína fjár­fest­ingu í WOW air, eða að end­ur­samið yrði um skil­mála með þeim hætti að þeir féllu frá breytirétti á skulda­bréf­unum yfir í hlutafé og færð­ust þar með aftar í kröfu­hafaröð­ina. Seinni kost­ur­inn var sam­þykkt­ur, sem þýðir að þeir eiga mögu­leika á því að fá höf­uð­stól fjár­fest­ingar sinnar og vexti greidda. Skulda­bréfa­flokk­ur­inn verður auk þess afskráður úr kaup­höll. 

Auglýsing

Til­kynnt var um mögu­lega aðkomu Indigo Partners að WOW air í lok nóv­em­ber í fyrra. Greint hefur verið frá því að fjár­fest­ing Indigo í WOW air verði aðal­­­lega í formi tíu ára breyt­i­­legs láns. Árlegir vextir verða greiddir í reiðufé kjósi Indigo að inn­­heimta þá. Höf­uð­­stóll láns­ins og ógreiddir vextir verða greið­an­­legir þegar láns­­tím­­anum lýk­­ur.

Indigo Partners mun eign­­ast 49 pró­­sent í WOW air gangi áformin eft­­ir. Félagið getur hins vegar eign­­ast stærri hlut ef það ákveður að breyta lánum sínum í nýtt hlutafé í sam­ræmi við ákvæði þeirra á láns­­tím­an­­um.

Því liggur ekki fyrir hver heild­ar­fjár­fest­ing Indigo Partners í WOW air verður né hversu stóran hluta félagið mun eiga í WOW air til fram­tíð­ar­. Verði fjár­­­fest­ing Indigo Partners að veru­­leika þá mun heildar fjár­­­fest­inga­­upp­­hæðin taka mið af fjár­­þörf WOW air í þeim við­­snún­­ingi á rekstr­inum sem stefnt er að á næstu mis­s­er­­um. Þetta sé í takt við þá lang­­tíma­fjár­­­fest­inga­­stefnu sem Indigo Partners hafi sýnt að félagið vinnur eftir þegar það hefur komið að rekstri flug­­­fé­laga. Það séu til að mynda 14 ár frá því að félagið fjár­­­festi í Wizz air, átta ár frá fjár­­­fest­ingu í Vol­­aris og fimm ár frá því að fjár­­­fest var í Frontier Air­lines.

Miklar svipt­ingar

Líkt og áður sagði var til­kynnt um það í lok nóv­­em­ber síð­­ast­lið­ins að Indigo Partners hefði náð sam­komu­lagi um fjár­­­fest­ingu í WOW air. 

13. des­em­ber var til­­kynnt að vélum félags­­ins muni fækka enn frekar, og verði í nán­­ustu fram­­tíð ell­efu eftir að hafa verið 24 fyrir nokkrum vikum síð­­­an. Fjölda­­upp­­sagnir eru þegar hafnar hjá WOW air og hætt hefur verið við kostn­að­­ar­­söm flug, meðal ann­­ars til Ind­lands, en jóm­frú­­ar­­ferð WOW air þangað var farin í byrjun des­em­ber 2018. Sam­­kvæmt til­­kynn­ingu verður síð­­asta flug frá Nýju Delí  20. jan­úar næst­kom­andi og frá Los Ang­eles í Banda­­ríkj­unum 14. jan­úar 2019.

Þann 14. des­em­ber var birt yfir­­lýs­ing á vef WOW air þar sem kom fram að fjár­­­fest­ing Indigo Partners í félag­inu gæti verið upp á allt að 75 millj­­ónir dala, um 9,4 millj­­arða króna.

Þann 20. des­em­ber var greint frá því að félagið hefði selt flug­­­­­tíma sína á Gatwick flug­­­velli í London í kjöl­far end­­­ur­­­skipu­lagn­ingar á rekstri félags­­­ins. Hvorki kaup­verð né kaup­andi var gefið upp sam­­­kvæmt til­­­kynn­ingu þar sem um trún­­­að­­­ar­­­sam­komu­lag er að ræða.

Því mun WOW air hætta að fljúga til Gatwick frá 31. mars næst­kom­andi og eftir það fljúga ein­­­göngu um Stan­­­sted flug­­­­­völl í borg­inni. Þá hefur félagið til­­­kynnt um að það muni hefja aftur flug til Edin­­­borgar frá og með jún­­í­mán­uði 2019.

Í byrjun árs var greint frá því að WOW air hafi þurft að fella niður flug­­­­­ferðir til minnst sex flug­­­valla vegna end­­­ur­­­skipu­lagn­ingar leiða­­­kerfis og fækkun í flota. Þetta á við staði á borð við Los Ang­el­els, San Francisco, Nýju Del­í og Chicago en einnig hafa ein­staka flug til Kaup­­­manna­hafn­­­ar, ­­­Mílanó og London verið felld nið­­­ur. Ekki er vitað hversu margar ferðir hafa verið felldar niður í heild­ina.  

WOW air tap­aði alls 33,6 millj­­­­­ónum dala, sem jafn­­­­­­­­­gildir um 4,2 millj­­­­­arði króna, á fyrstu níu mán­uðum árs­ins 2018. Á sama tíma­bili 2017 nam tap félags­­­­­ins 13,5 millj­­­­­ónum dala, jafn­­­­­virði tæp­­­­­lega 1,7 millj­­­­­arða króna miðað við núver­andi gengi. EBITDA félags­­­­­ins fór úr því að vera jákvæð um 8,8 millj­­­­­ónir dala fyrstu níu mán­uði árs­ins 2017 í að vera nei­­­­­kvæð um 18,9 millj­­­­­ónir dala í fyrra, sem er um 2,3 millj­­­­­arða íslenskra króna.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Hæfur til að meta hæfni þar til annað kemur í ljós
Eiríkur Tómasson, formaður dómnefndar um hæfni dómara, telur sig hæfan samkvæmt stjórnsýslulögum til að meta hæfni umsækjenda um embætti við Landsrétt, en árið 2017 var hann umsagnaraðili eins þeirra sem nú sækist eftir embættinu.
Kjarninn 5. ágúst 2020
Allir ríkisstjórnarflokkarnir tapa fylgi milli mánaða
Píratar bæta verulega við sig milli mánaða í könnunum Gallup en Vinstri græn tapa umtalsverðu. Stuðningur við ríkisstjórnina heldur áfram að dala.
Kjarninn 5. ágúst 2020
Frá Beirút, þar sem gríðarlega öflug sprenging olli manntjóni og gríðarlegum skemmdum síðdegis í gær.
Rauði krossinn hefur neyðarsöfnun fyrir Beirút
Rauði krossinn á Íslandi hefur hafið neyðarsöfnun vegna sprenginganna sem urðu í Beirút höfuðborg Líbanons í gær. Forseti Íslands sendi forseta Líbanons samúðarkveðju sína og þjóðarinnar í dag.
Kjarninn 5. ágúst 2020
Ásta Logadóttir, Jóhann Björn Jóhannsson, Kristinn Alexandersson og Ólafur Hjálmarsson
Ísland í dag – Nærri tveimur áratugum síðar
Kjarninn 5. ágúst 2020
Áhyggjur og kvíði „eðlilegar tilfinningar við óeðlilegar aðstæður“
Á upplýsingafundi almannavarna í dag fór Agnes Árnadóttir, fagstjóri sálfræðiþjónustu heilsugæslunnar, yfir það hvað fólk gæti gert til að takast á við kvíða. Sóttvarnalæknir sagði kúrfuna í þessari bylgju vera svipaða þeirri síðustu.
Kjarninn 5. ágúst 2020
190 þúsund símtæki með smitrakningarappið virkt
Á upplýsingafundi almannavarna biðlaði Alma D. Möller landlæknir til Íslendinga um að halda áfram að nota smitrakningarappið Rakning C-19.
Kjarninn 5. ágúst 2020
Sólveig Anna Jónsdóttir, formaður Eflingar.
Krefur yfirvöld um betri upplýsingar um faraldurinn á erlendum tungum
„Við erum ekki öll almannavarnir ef upplýsingarnar ná ekki til okkar allra,“ segir Sólveig Anna Jónsdóttir í bréfi til forsætisráðherra, þar sem þess er krafist að bætt verði úr upplýsingamiðlun um faraldurinn til aðfluttra íbúa á Íslandi.
Kjarninn 5. ágúst 2020
Greiðslumiðlunarfyrirtækið Borgun var nýlega selt til erlendra eigenda. Ábyrgð á mögulegum blekkingum fortíðar situr eftir hjá fyrri eigendum.
Íslandsbanki mun áfram bera ábyrgð á fjártjóni í Borgunarmálinu
Þrátt fyrir að Íslandsbanki hafi selt hlut sinn í Borgun í síðasta mánuði mun bankinn áfram bera ábyrgð á að greiða hinum ríkisbankanum, Landsbankanum, bætur ef Borgunarmálið tapast. Matsmenn í málinu telja að upplýsingar hafi vantað í ársreikning.
Kjarninn 5. ágúst 2020
Meira úr sama flokkiInnlent