Í rann­sókn sem Gallup gerði fyrir starfs­hóp sem skrif­aði Hvít­bók um fram­tíð­ar­sýn fyrir fjár­mála­kerfið á Íslandi kom í ljós að 26,4 pró­­sent lands­­manna sögðu að það væri hægt að auka traust almenn­ings til banka­­kerf­is­ins með því að lækka vexti eða bæta kjör. Þessi nið­ur­staða varð til þess að starfs­hóp­ur­inn eyddi tölu­verðu púðri og orku í að skoða skil­virkni í íslenska fjár­mála­kerf­inu með það fyrir augum að kanna hvað mætti gera til að bæta kjör til almenn­ings.

Þetta sagði Kristrún Tinna Gunn­ars­dótt­ir, hag­fræð­ingur hjá Oli­ver Wyman í Sví­þjóð sem sat í starfs­hópnum sem skrif­aði Hvít­bók um fram­tíð­ar­sýn fyrir fjár­mála­kerf­ið, í sjón­varps­þætt­inum 21 á Hring­braut á fimmtu­dag. Hægt er að sjá stiklu úr þætt­inum hér að neð­an.

Hún segir að nið­ur­staða rann­sókn­ar­innar sé mjög áhuga­verð og jákvæð að því leyti að þetta við­horf sýni að þarna sé eitt­hvað sem er hægt að vinna mjög mark­visst að því að bæta. „Það er erf­ið­ara ef van­traustið skap­ast bara af ein­hverjum sögu­legum atburðum sem við getum ekki breytt.“

Kristrún Tinna segir það bæði vera höndum rík­is­ins og bank­anna sjálfra að gera breyt­ingar sem stuðli að breyt­ingum sem bæti kjör og lækki vexti. „Bank­arnir hafa verið í miklum hag­ræð­ing­ar­að­gerðum og það er klár­lega svig­rúm að mínu mati til þess að gera enn bet­ur. En við erum ekki að tala um eitt­hvað ein­skipt­is­verk­efni sem byrjar og endar og er svo lokið og við erum bara komin með skil­virkt kerfi. Þetta er þróun sem er að eiga sér stað alls staðar í heim­inum og flestir stærstu bankar Evr­ópu hafa það efst á for­gangs­lista sínum að draga úr kostn­aði. Ég held að við þurfum klár­lega að vinna að því hér á Íslandi lík­a.“

Hægt er að horfa á við­talið í heild sinni hér að neð­an.